Popularne wersety biblijne z Revelation 5

Udostępnij

ထို့နောက်သူတို့သည် သီချင်းအသစ်အားသီဆိုခဲ့ကြ၏။ ထိုသီချင်းမှာ “သင်သည် သေဆုံးပြီး၍ သင်၏သွေးနှင့် လူမျိုးစု၊ ဘာသာစကား၊ လူမျိုးရေးတိုင်းမှ ဘုရားရှင်၏လူများအတွက် ဝယ်ယူခြင်းကြောင့် ပုရပိုက်နှင့်၎င်း၏တံဆိပ်များကို ဖွင့်ယူထိုက်သူဖြစ်၏။

ထိုသူတို့က “အသေသတ်ခြင်းခံရသော သိုးသငယ်တော်သည် တန်ခိုး၊ စည်းစိမ်၊ ဉာဏ်ပညာ၊ အစွမ်းသတ္တိ၊ ဂုဏ်အသရေ၊ ဘုန်းအသရေနှင့် ချီးမွှမ်းခြင်းတို့ကို ခံယူရန် ထိုက်တန်၏” ဟု ကျယ်လောင်စွာ အော်ဟစ်နေကြ၏။

ကိုယ်တော်သည် ထိုသူတို့အား ဘုရားရှင်၏လူမျိုးတော်နှင့် ပရောဟိတ်များ ဖြစ်စေတော်မူ၏။ ထိုသူတို့သည် ကမ္ဘာလောကကို အုပ်စိုးကြလိမ့်မည်” ဟူ၍ဖြစ်၏။

ထို့အပြင် ကောင်းကင်၊ မြေကြီး၊ မြေကြီးအောက်၊ ပင်လယ်ထဲ စသည့်နေရာအသီးသီး၌ရှိကြသော ဖန်ဆင်းခံ သတ္တဝါ အပေါင်းတို့က “ရာဇပလ္လင်တော်ပေါ်တွင် ထိုင်တော်မူသောအရှင်နှင့် သိုးသငယ်တော်သည် အစဉ်ထာဝရ ချီးမွှမ်းခြင်းကို ခံစားရ၍ ဂုဏ်အသရေ၊ ဘုန်းအသရေ၊ ဘုန်းတန်ခိုးတော်နှင့် အစဉ်ထာဝရ တည်ရှိပါစေသော” ဟုကြွေးကြောကြသည်ကို ကျွန်ုပ်ကြားရ၏။

ထို့နောက် အသေသတ်ခံရပြီးသကဲ့သို့ ဖြစ်နေသော သိုးသငယ်တော်ကိုကျွန်ုပ်မြင်ရ၏။ ထိုသိုးသငယ်သည် ရာဇာပလ္လင်တော်နှင့် သတ္တဝါလေးပါးတို့၏ အလယ်၌ရှိနေပြီး အကြီးအကဲတို့က ဝန်းရံထား၏။ ထိုးသိုးသငယ်တော်၌ ဦးချိုခုနစ်ချောင်းနှင့် မျက်လုံးခုနစ်လုံးရှိ၏။ ထိုမျက်လုံးတို့သည် ဘုရားရှင်၏ ဉာဏ်အလင်တော်ခုနှစ်ပါးဖြစ်၏။