Popularne wersety biblijne z Psalms 30

Udostępnij

အကြောင်းမူကား ကိုယ်တော်၏အမျက်တော်သည် ခဏတာမျှသာဖြစ်၏။ ကိုယ်တော်၏ ကျေးဇူးတော်သည်ကား တစ်သက်လုံးတည်။ နေဝင်ချိန်၌ ငိုကြွေးခြင်းသည် လာရောက်တည်းခိုသော်လည်း ရွှင်လန်းစွာကြွေးကြော်ခြင်းသည် နံနက်အချိန်၌ရောက်လာ၏။

ကိုယ်တော်သည် အကျွန်ုပ်၏ ဝမ်းနည်းမြည်တမ်းခြင်းကို ပျော်ရွှင်စွာကခုန်ခြင်းသို့ ပြောင်းလဲစေတော်မူပြီ။ အကျွန်ုပ်၏ လျှော်တေအဝတ်ကိုချွတ်၍ ဝမ်းမြောက်ခြင်းအဝတ်ကို ဝတ်ဆင်ပေးတော်မူပြီ။ အို အကျွန်ုပ်၏အရှင်ဖြစ်တော်မူသော ဘုရားရှင်၊ အကျွန်ုပ်၏စိတ်နှလုံးသည် တိတ်ဆိတ်စွာမနေဘဲ ကိုယ်တော်ကို သီဆိုချီးမွမ်းပါမည်။ အကျွန်ုပ်သည် ကိုယ်တော်၏ ကျေးဇူးတော်ကို အစဉ်အမြဲချီးမွမ်းပါမည်။

အို အကျွန်ုပ်၏အရှင်ဖြစ်တော်မူသော ဘုရားရှင်၊ အကျွန်ုပ်သည် ကိုယ်တော့်ထံ ကူညီမစရန် အော်ဟစ်၍တောင်းလျှောက်ရာ ကိုယ်တော်သည် အကျွန်ုပ်အား ကျန်းမာစေတော်မူ၏။

ဘုရားရှင်အား သစ္စာစောင့်သိကြသူတို၊ ဘုရားရှင်အား သီဆိုချီးမွမ်းကြလော့။ သန့်ရှင်းမြင့်မြတ်တော်မူသောအရှင် ပြုတော်မူသည့်အမှုတော်ကို အောက်မေ့သတိရလျက် ကျေးဇူးတော်ကို ချီးမွမ်းကြလော့။

အိုဘုရားရှင်၊ ကိုယ်တော်သည် အကျွန်ုပ်ကိုဆွဲတင်တော်မူပြီး အကျွန်ုပ်၏ရန်သူတို့အား အကျွန်ုပ်ကြောင့် ဝမ်းမြောက်ရသောအခွင့်ကို ပေးတော်မူခြင်း မရှိသောကြောင့် ကိုယ်တော်ကို အကျွန်ုပ်သည် ချီးမြှောက်ပါမည်။