Popularne wersety biblijne z Psalms 22

Udostępnij

အကျွန်ုပ်၏ဘုရားရှင်၊ အကျွန်ုပ်၏ဘုရားရှင်၊ အကျွန်ုပ်အား အဘယ်ကြောင့်စွန့်ပစ်တော်မူသနည်း။ အကျွန်ုပ်သည် ကယ်တင်တော်မူပါရန် အော်ဟစ်တောင်းလျှောက်ခဲ့ပါ၏။ သို့သော် ယခုတိုင်အောင် ကယ်တင်မူခြင်းမရှိဘဲ အကျွန်ုပ်ထံမှ ဝေးကွာစွာနေတော်မူသနည်း။

သူတို့သည် ကိုယ်တော်ထံသို့ အော်ဟစ်တောင်းလျှောက်ကြသဖြင့် ကယ်တင်ခြင်းခံခဲ့ကြရပါ၏။ သူတို့သည် ကိုယ်တော်ကို ယုံကြည်ကိုးစားကြသဖြင့် အရှက်ကွဲခြင်းနှင့် ကင်းလွတ်ကြပါ၏။

ကမ္ဘာမြေအရပ်ရပ်ရှိ လူမျိုးတကာတို့သည် အောက်မေ့သတိရကြ၍ ဘုရားရှင်ထံသို့ ပြန်လှည့်လာကြလိမ့်မည်။ တိုင်းနိုင်ငံများမှ လူမျိုးအပေါင်းတို့သည် ရှေ့တော်၌ ပျပ်ဝပ်ကြလိမ့်မည်။ အကြောင်းမူကား ရှင်ဘုရင် အရိုက်အရာသည် ဘုရားရှင်နှင့်သက်ဆိုင်တော်မူ။ ကိုယ်တော်သည် လူမျိုးတကာတို့ကို အုပ်စိုးတော်မူ၏။

သူတို့သည် အကျွန်ုပ်၏အဝတ်တို့ကို အချင်းချင်းခွဲဝေကြ၍ အကျွန်ုပ်၏ဝတ်ရုံအတွက် မဲချကြပါ၏။

သူတို့သည် နောင်လာမည့်မျိုးဆက်အား ကိုယ်တော်၏ဖြောင့်မတ်ခြင်းအကြောင်းကို ပြောကြားကြလိမ့်မည်။ အကြောင်းမူကား ထိုအမှုကို ကိုယ်တော်သည် ပြုတော်မူပြီဖြစ်၏။