Popularne wersety biblijne z ရှင်မာကု 1

Udostępnij

နံနက်စောစောအချိန်၌ ကိုယ်တော်သည် လူသူကင်းဝေးရာအရပ်သို့သွား၍ ဝတ်ပြုဆုတောင်းတော်မူ၏။

ကိုယ်တော်က လူတို့အား “ဘုရားရှင်၏သာသနာတော်ပေါ်ထွန်းရန် အချိန်နီးကပ်လာပြီဖြစ်၍ နောင်တသံဝေဂရကာ မင်္ဂလာသတင်းကောင်းကို ယုံကြည်ကြလော့” ဟုဟောပြောတော်မူ၏။

ရေနှစ်မင်္ဂလာခံယူပြီး ရေမှထသည်နှင့် ကောင်းကင်သည် ဟင်းလင်းပွင့်၍ ဉာဏ်အလင်းတော်သည် ချိုးငှက်အသွင်ဖြင့် ကိုယ်တော်ယေရှုအပေါ်သို့ ဆင်းသက်တော်မူသည်ကို မြင်ရ၏။ ကောင်းကင်မှလည်း “သင်သည် ငါချစ်မြတ်နိုးတော်မူသော ငါ၏သားဖြစ်၏။ ငါသည် သင့်အား လွန်စွာနှစ်သက်အားရတော်မူ၏” ဟူ၍ ဘုရားရှင်၏အသံတော်ထွက်ပေါ်လာလေ၏။

ငါသည် သင်တို့ကို ရေဖြင့် နှစ်ခြင်းမင်္ဂလာပေးသော်လည်း ထိုသူသည်ကား သင်တို့ကို ဉာဏ်အလင်းတော်ဖြင့် နှစ်ခြင်းမင်္ဂလာပေးလိမ့်မည်” ဟုဟောပြောလေ၏။

ထိုသူတို့အား “လာကြလော့၊ ငါ့နောက်သို့လိုက်ကြလော့။ သင်တို့သည် ငါးဖမ်းမည့်အစား လူတို့ကို စုဝေးစေပြီး ငါ၏နောက်လိုက်တပည့်တော်များ ဖြစ်စေဖို့ရန် ဆောင်ရွက်ကြရမည်” ဟု မိန့်တော်မူ၏။ ထိုသူတို့သည်လည်း ပိုက်ကွန်ကို ချက်ချင်းပင် စွန့်ပစ်ထားခဲ့၍ ကိုယ်တော့်နောက်သို့ လိုက်လာကြ၏။

လူထုပရိသတ်တို့သည်လည်း ကိုယ်တော်၏သွန်သင်ချက်များကို အလွန်အံ့ဩချီးမွမ်းကြလေ၏။ အကြောင်းမူကား ကျမ်းတတ်ဆရာများဟောကြားသည်နှင့်မတူဘဲ အခွင့်အာဏာရှိသောသူကဲ့သို့ ဟောပြောသွန်သင်သောကြောင့်ဖြစ်၏။