Popularne wersety biblijne z မဿဲ 10

Udostępnij

နားထောင်ကြလော့။ သင်တို့အား စေလွှတ်ခြင်းသည် ဝံပုလွေအုပ်ထဲသို့ သိုးများကို စေလွှတ်ခြင်းနှင့်တူ၏။ ထို့ကြောင့် သင်တို့သည် မြွေကဲ့သို့ လိမ္မာပါးနပ်၍ ချိုးငှက်ကဲ့သို့ ရိုးသားဖြူစင်ကြလော့။

မိမိ၏အသက်ကို ဖက်တွယ်နေသောသူသည် အသက်ဆုံးရှုံးရမည်ဖြစ်သကဲ့သို့ ငါ့အတွက်နှင့် မိမိ၏အသက်ကို အဆုံးရှုံးခံနိုင်သောသူသည် အသက်ကို ရရှိမည်ဖြစ်၏။

ခန္ဓာကိုယ်ကိုသာ သတ်နိုင်ပြီး စိတ်ဝိညာဉ်ကို မသတ်နိုင်သောသူများအား မကြောက်ကြနှင့်။ ထိုအစား ခန္ဓာကိုယ်နှင့် စိတ်ဝိညာဉ်နှစ်ခုစလုံးကို ငရဲတွင်ဖျက်ဆီးနိုင်သည့် ဘုရားရှင်တစ်ပါးတည်းကိုသာ ကြောက်ကြလော့။

မိမိ၏လက်ဝါးကပ်တိုင်ကို ကိုယ်တိုင်ထမ်း၍ ငါ့နောက်သို့ မလိုက်သောသူသည်လည်း ငါနှင့်မထိုက်တန်ပေ။

ထို့ကြောင့် မည်သူမဆို လူတို့ရှေ့၌ ငါ့အားလက်ခံကြောင်းပြောဆိုလျှင် ငါသည်လည်း ရွှေမြို့တော်၌ရှိသော ငါ၏အဖဘုရားရှင်ရှေ့မှောက်တွင် ထိုသူတို့ကို လက်ခံကြောင်းဆိုမည်။ သို့သော် လူတို့၏ရှေ့တွင် ငါ့အားငြင်းဆိုသောသူအား ရွှေမြို့တော်၌ရှိတော်မူသော ငါ့၏အဖဘုရားရှင်ရှေ့တွင်လည်း ထိုသူတို့ကို ငါငြင်းပယ်မည်။

နာမကျန်းဖြစ်နေကြသူများအား ကျန်းမာစေပြီး သေသောသူများကို ပြန်ရှင်စေကြလော့။ အနာကြီးရောဂါသည်များကိုလည်း စင်ကြယ်စေပြီး မကောင်းဆိုးဝါးများကိုလည်း နှင်ထုတ်ကြလော့။ သင်တို့သည် ဤအစွမ်းအား အခမဲ့ရသည်ဖြစ်၍ အခြားသူတို့ကိုလည်း အခမဲ့ကူညီကြလော့။

ထို့ကြောင့် မကြောက်ကြနှင့်။ သင်တို့သည် စာကလေးများစွာထက်ပင် ပို၍အဖိုးထိုက်တန်၏။

ငါသည် ဤကမ္ဘာမြေပေါ်သို့ ငြိမ်းချမ်းခြင်းကိုသာ ဆောင်ယူလာသည်ဟု မတွေးကြနှင့်။ ငါသည် ငြိမ်းချမ်းခြင်းကို ဆောင်ယူလာခြင်းမဟုတ်ဘဲ လူတို့အချင်းချင်းတိုက်ခိုက်ခြင်းကိုဖြစ်စေရန်လာ၏။