Popularne wersety biblijne z ယောဟန် 17

Udostępnij

အဖဘုရား၏နှုတ်ကပတ်တော်သည် သမ္မာတရားဖြစ်၍ ထိုသမ္မာတရားအားဖြင့် သူတို့ကို သန့်ရှင်းစင်ကြယ်စေတော်မူပါ။

နိစ္စထာဝရအသက်ဟူသည်မှာ တစ်ဆူတည်းသော စစ်မှန်သောဘုရားဖြစ်တော်မူသော အဖဘုရားကိုလည်းကောင်း၊ အဖဘုရားစေလွှတ်တော်မူသော ယေရှုခရစ်တော်ကိုလည်းကောင်း သိကျွမ်းခြင်းပင်ဖြစ်ပါ၏။

ဤသူတို့အတွက်သာမကဘဲ သူတို့ဟောပြောချက်တို့ကြောင့် အကျွန်ုပ်ကိုယုံကြည်လာကြသောသူများအတွက်လည်း အကျွန်ုပ်ဆုတောင်းပါ၏။ အဖဘုရားရှင်သည် အကျွန်ုပ်၌ရှိတော်မူ၍ အကျွန်ုပ်သည် အဖဘုရား၌ရှိသကဲ့သို့ ထိုသူအပေါင်းတို့သည်လည်း တစ်လုံးတစ်ဝတည်းဖြစ်စေတော်မူပါ။ အကျွန်ုပ်အား အဖဘုရားရှင်စေလွှတ်တော်မူကြောင်းကို ဤလောကသားတို့ သိရှိကြစေရန်အတွက် ထိုယုံကြည်သူအပေါင်းတို့ကိုလည်း အကျွန်ုပ်တို့၌ အတူရှိစေတော်မူပါ။

သူတို့ကို ဤလောကထဲမှ နုတ်ယူတော်မူခြင်းအတွက်မဟုတ်ဘဲ ဤလောက၌ မကောင်းသောအရာထံမှ သူတို့ကို ကွယ်ကာစောင့်ရှောက်တော်မူရန် အကျွန်ုပ်ဆုတောင်းခြင်းဖြစ်ပါ၏။

အကျွန်ုပ်တို့သည် တစ်လုံးတစ်ဝတည်းဖြစ်သကဲ့သို့ သူတို့သည်လည်း တစ်လုံးတစ်ဝတည်းဖြစ်ကြစေရန် အကျွန်ုပ်အား အဖဘုရားရှင်ပေးတော်မူသော ဘုန်းအသရေတော်ကို သူတို့အား အကျွန်ုပ်ပေးပါပြီ။ အကျွန်ုပ်သည် သူတို့၌ရှိ၍ အဖဘုရားရှင်သည် အကျွန်ုပ်၌ရှိတော်မူပါ၏။ ဤသည်ကား သူတို့ကို တစ်လုံးတစ်ဝတည်းပြီးပြည့်စုံစေရန်ဖြစ်ပြီး အဖဘုရားရှင်သည် အကျွန်ုပ်ကိုစေလွှတ်တော်မူကြောင်းနှင့် အကျွန်ုပ်ကို ချစ်ခင်သကဲ့သို့ သူတို့ကိုလည်း အဖဘုရားရှင်ချစ်ခင်တော်မူကြောင်းကို လောကသားတို့ သိကြစေရန်ဖြစ်ပါ၏။