Popularne wersety biblijne z Hebrews 4

Udostępnij

ဘုရားရှင်၏နှုတ်ကပတ်တော်သည် သက်ဝင်လှုပ်ရှား၍ သန်လျက်တကာတို့ထက် ထက်သည်။ ထိုနှုတ်ကပတ်တော်သည် အသက်နှင့်ဝိညာဉ်တွေ့ဆုံရာအထိလည်းကောင်း၊ အရိုးဆစ်နှင့်ခြင်ဆီတွေ့ရာအထိလည်းကောင်း ထိုးဖောက်ကာ ပိုင်းခြားနိုင်သည်။ လူတို့၏ စိတ်နှလုံး၏စဥ်းစားဆင်ခြင်မှုနှင့် သဘောထားတို့ကိုလည်း စစ်ဆေးတတ်သည်။

သို့ဖြစ်၍ ကျွန်ုပ်တို့သည် ကရုဏာတော်နှင့်ကျေးဇူးတော်ကိုခံစားလျက် လိုအပ်သည့်အချိန်၌ ကူညီမစခြင်းခံရရန် ကျေးဇူးတော်ရှိရာ ဘုရားရှင်၏ ရာဇပလ္လင်တော်သို့ ရဲဝံ့စွာ ချဉ်းကပ်ကြစို့။

ကျွန်ုပ်တို့၏အကြီးဆုံးပရောဟိတ်သည် ကျွန်ုပ်တို့၏ အားနည်းချက်များအား စာနာထောက်ထားခြင်းမရှိသူမဟုတ်။ ကျွန်ုပ်တို့နည်းတူ ဖြားယောင်းသွေးဆောင်ခြင်းအမျိုးမျိုးကို ခံခဲ့ရသူဖြစ်တော်မူသည်။ သို့ရာတွင် ကိုယ်တော်သည် အပြစ်ဒုစရိုက်နှင့် ကင်းလွတ်တော်မူသည်။

ဘုရားရှင်၏မျက်မှောက်၌ မထင်ရှားသောအရာဟူ၍ တစ်စုံတစ်ရာမျှမရှိ။ ဖန်ဆင်းတော်မူသောအရာအားလုံးတို့သည် မျက်မှောက်တော်၌ ထင်ရှားလျက်ရှိသည်။ ကျွန်ုပ်တို့အားလုံးသည် မိမိတို့ပြုသမျှအတွက် ထိုအရှင်ထံ၌ ဝန်ခံကြရမည်ဖြစ်သည်။

သို့ဖြစ်၍ ကျွန်ုပ်တို့သည် ကျွန်ုပ်တို့ဝန်ခံခဲ့သောယုံကြည်မှုအား မြဲမြံစွာစွဲကိုင်ထားကြစို့။ အဘယ်ကြောင့်ဆိုသော် ကျွန်ုပ်တို့၌ ရွှေမြို့တော်သို့ တက်ကြွသွားသော ဘုရားရှင်၏သားတော် ကိုယ်တော်ယေရှုတည်းဟူသော အကြီးဆုံးပရောဟိတ်ရှိသောကြောင့်ပင်ဖြစ်သည်။

ထို့ကြောင့် ကျွန်ုပ်တို့သည် ထိုစံမြန်းရာနေရာသို့ ဝင်ရောက်နိုင်ရန် အစွမ်းကုန်ကြိုးစားကြစို့။ သို့မှသာ မနာခံသောသူတို့၏စံနမူနာကိုလိုက်၍ မည်သူတစ်ဦးတစ်ယောက်မျှ ပျက်စီးခြင်းမရှိကြမည်ဖြစ်သည်။