Popularne wersety biblijne z 1 Timothy 2

Udostępnij

ဘုရားရှင်သည် တစ်ဆူတည်း ရှိတော်မူပြီး ဘုရားရှင်နှင့် လူတို့ကြားတွင် ကြားဝင်စေ့စပ်သူလည်း တစ်ပါးတည်း ရှိတော်မူ၏။ ထိုအရှင်သည် လူသားဖြစ်သော ယေရှုခရစ်တော်ပင် ဖြစ်တော်မူ၏။ ယေရှုခရစ်တော်သည် လူသားအားလုံးကို ရွေးနုတ်ရန် အသက်ပေးတော်မူခဲ့ပြီး ထိုအကြောင်းကို အချိန်တန်မှ သက်သေခံခြင်းဖြစ်၏။

သင်တို့သည် လူသားအားလုံးအတွက် အသနားခံခြင်း၊ ဆုတောင်းပေးခြင်း၊ ကိုယ်စားပြုတောင်းလျှောက်ပေးခြင်း၊ ဘုရားရှင်၏ ကျေးဇူးတော်ကို ချီးမွမ်းခြင်းတို့ကို ဦးစားပေးဆောင်ရွက်ရန် ကျွန်ုပ်တိုက်တွန်းနှိုးဆော်၏။ အကြောင်းမူကား ကျွန်ုပ်တို့သည် ဘုရားတရားကိုင်းရှိုင်းပြီး မြင့်မြတ်သန့်ရှင်းကာ အေးချမ်းသာယာစွာ နေထိုင်နိုင်ရန် ရှင်ဘုရင်များနှင့် အာဏာပိုင်များ အားလုံးအတွက်လည်း ဆုတောင်းပေးကြလော့။

ဆုတောင်းသည့်အခါတိုင်း အမျိုးသားတို့သည် အမျက်ထွက်ခြင်း၊ ငြင်းခုံခြင်း မရှိဘဲ မြင့်မြတ်သန့်ရှင်းသောလက်ကို မြှောက်လျက် ဆုတောင်းကြရန် ကျွန်ုပ်အလိုရှိ၏။ ထိုနည်းတူ အမျိုးသမီးတို့သည်လည်း ဆံပင်မကျစ်၊ ရွှေ၊ ပုလဲ စသည့်လက်ဝတ်ရတနာ၊ သို့မဟုတ် တန်ဖိုးကြီး အဝတ်အစားတို့ကို မဆင်မြန်းဘဲ ဣန္ဒြေသိက္ခာဖြင့် သင့်တင့်လျောက်ပတ်စွာ ဝတ်ဆင်ရန် ကျွန်ုပ်အလိုရှိ၏။ သို့သော် ဘုရားရှင်ကို ဝတ်ပြုကိုးကွယ်သည်ဟု ဝန်ခံပြောဆိုသော အမျိုးသမီးများ ပြုမူသင့်သည့်အတိုင်း ကောင်းမှုများ ပြုကြရမည်။