Popularne wersety biblijne z Luke 7

Udostępnij

ယေတွက်နန့် သင့်ကို ငါ ပြောချင်စွာက ဒေမမာ့ အပြစ်အများကြီး ခွင့်ရွှတ်ခံရရေအတွက်နန့် သူမ၏ကြီးမားရေသျှစ်ခြင်းမေတ္တာတရားကို ပြသနီစွာဖြစ်တေ။ ယေကေလည်း အနည်းသျှေရာ ခွင့်ရွှတ်ခံရရေလူက သျှစ်ခြင်းမေတ္တာတရား အနည်းသျှေကိုရာ ပြသရေ” လို့ မိန့်တော်မူပါရေ။ ယေပြီးကေ ကိုယ်တော်က ယင်းမမာ့ကို “သင့် အပြစ်ဒုစရိုက်တိအားလုံးကို ခွင့်ရွှတ်လိုက်ဗျာလ်” လို့ မိန့်တော်မူပါရေ။

ယေကေလည်း ကိုယ်တော်ယေရှုက ယင်းမမာ့ကို “သင်၏ယုံကြည်မှုက သင့်ကို ကယ်တင်လိုက်ဗျာလ် ဖြစ်တေအတွက်နန့် အီးအီးချမ်းချမ်း လားနိုင်ဗျာလ်” လို့ မိန့်မှာတော်မူလီရေ။

ယေပြီးကေ သူမက ကိုယ်တော်၏နောက်ကို လာဗျာလ် ရပ်လို့ငိုနီယင်း သူမ၏မျက်ရည်တိစွာ ကိုယ်တော့်ခြီထက်မာ စွတ်လားရေအတွက် သူမ၏ဆံပင်တိနန့်သုတ်ပီးပါရေ။ ယေပြီးကေ ကိုယ်တော်၏ခြီအစုံလိုက်ကို နမ်းပနာ ဆီမွှီးနန့် လောင်းချဗျာလ် လိမ်းပီးလီရေ။

ယေတွက်နန့် ကျွန်တော်ကိုယ်တိုင်ကလည်း အသျှင်ဘားကို လာတွိ့ဖို့တောင် မထိုက်တန်ပါလို့ ထင်မိပါရေ။ ယေတွက်နန့် အသျှင်အမိန့်ပီးလိုက်ကေ ကျွန်တော်၏အငှါးသားက ကျိုင်းမာလာပါလိမ့်မေ။ ယင်းပိုင်ပြောရစွာက ကျွန်တော်ကလည်း အထက်အရာဟိ လက်အောက်မာ ဟိရေပိုင် ကျွန်တော်လက်အောက်မာလည်း စစ်သားတိအများကြီးဟိပါရေ။ ကျွန်တော်က စစ်သားတစ်ယောက်ကို ‘လားပါ’ လို့ အမိန့်ပီးကေ သူလားရဗျာလ် အရာစစ်သားတစ်ယောက်ကို ‘လာပါ’ လို့ အမိန့်ပီးကေ သူလာရပါရေ။ ကျွန်တော့်အငှါးသားတိကိုလည်း ‘ဒေချင့်ကိုလုပ်ပါ’ လို့ ပြောကေ သူရို့ လုပ်ရပါရေ” လို့ လျှောက်တင်ခိုင်းလိုက်ပါရေ။ ယင်းစကားကို ကိုယ်တော်ယေရှုကြားရေခါ အံ့ဩလားပြီးကေ နောက်ကလိုက်လာသူတိကို လှည့်ကြည့်ဗျာလ် “သင်ရို့ကို ငါ ပြောမေ။ အစ္စရေးလူမျိုးထဲမာပင် ဒေလောက်ယုံကြည်မှုကြီးစွာကို ငါမတွိ့ဖူးသိပါ” လို့ မိန့်တော်မူပါရေ။

ယင်းအချိန်မာ ကိုယ်တော်က အနာရောဂါသည်တိ၊ ဖျားနီသူတိနန့် မကောင်းဆိုးဝါး အပူးခံနီရရေ လူတိကို ကုသပီးပနာ မျက်ကန်းတိကိုလည်း မျက်စိ ပြန်မြင်စီအောင် ကုသပီးပါရေ။ ကိုယ်တော်က ယောဟန်၏တပည့်တိကို “သင်ရို့ကြားရမြင်ရသမျှ အရာတိကို ယောဟန်ကို လားဗျာလ် ပြောပြကတ်ပါ။ မျက်ကန်းတိက မျက်စိ ပြန်မြင်ရဗျာလ်။ ခြီလက်မစွမ်းပြင်းသူတိလည်း လမ်းလျှောက်နိုင်ဗျာလ်။ အနာကြီးရောဂါသည်တိလည်း ရောဂါကောင်းလားဗျာလ်။ နားပင်းတိလည်း နားကြားဗျာလ်။ သီရေလူတိလည်း အသက်ပြန်ရင်ဗျာလ်။ ဆင်းရဲသားတိလည်း မင်္ဂလာသတင်းကောင်းကို ကြားကတ်ရဗျာလ်။