Popularne wersety biblijne z Biă 8

Udostępnij

Nŭn môt bơjâo yua klơi hơkat gơñu ngă nĭng nŭn mơ̆n, čiăng bơjr̂ŏng kơtâo, plai gơñu ngă bĭ thâo ôh. Nŭn yơh, kơtâo nŭn dŏ mơ̆ng dr̂ơi-jĕn mơnuih dăp čĭm. Pah anŭn môt bơjâo pơhiăp hr̂ŏm Pharon, gơñu laĭ: «Ne kơđeng ngan Ơi Adai yơh ngă!» Plai Pharon dŏ nŏng găng bŭt, dăp bĭ hmĭ tui Môsê dua ñu Ơrô̆n ôh, hla ti Yêhôwa pơhiăp lôi hlâo.

Jr̂ŏng nŭn Yêhôwa pơhiăp hr̂ŏm Môsê: «Br̂ơi ih nao pơ Pharon, jr̂ŏng nŭn r̂ă br̂ơi ñu: “Ne yơh klơi pơhiăp Yêhôwa: ‘Br̂ơi nă plơi lan kâo biă nao wŏ, čiăng gơñu ngă buă kâo.

Tơl Pharon ƀôh laĭ klơi kơnap-tap nŭn huai boih, nŭn ñu găng bŭt kr̂a dŏng, bĭ hmĭ tui Môsê dua ñu Ơrô̆n ôh, hla ti Yêhôwa pơhiăp lôi hlâo.

Jơ̆ laĭ ih bĭ phom br̂ơi gơñu biă nao ôh, nŭn kâo ti br̂ơi jĭ ngă pơkơnap čal ih.

Jr̂ŏng nŭn Yêhôwa pơhiăp hr̂ŏm Môsê: «Br̂ơi ih pơđơi Ơrô̆n yŏl đĭ gai jr̂a ñu ƀang kơnah ƀô̆k, nŭn kơnah ƀô̆k ti jr̂ŏng kơtâo dŏ jŏp-jang tăm čal Êjĭp.»

Yêhôwa ngă hĕ nĭng nŭn, hmâo phung jop mŭt nao tăm sang Pharon kơnăm-hyeng, dăp sang môt khua ngă buă ñu, nŭn čal Êjĭp r̂ăm lôi jŏp-jang yua mơ̆ng jop nŭn.