Popularne wersety biblijne z Š. Matéu 28

Udostępnij

Andái vatur ju mesoni gjiθ gjindet: tue pakzúar nd’ émerit te Jatit, e te Birit, e te Špirtit šéit: Tue mesúar ató te rúanjen gjiθ sâ ju kumandova: e eši ú jam me ju gjiθ diten e dítese, njera nde te fernúarit e jetes. Aštú kjofte.

E kjasur Džesúi i folji atire, tue θẽn: Me kje δẽn mua gjiθ putiri nde kjíel e mbi δê.

E pergjegjur ẽ́ngjeli i θa grâvet: Mos trẽ́mbeni ju: pse dî se kerkoni Džesúin, tše kje vẽn mbe krikje: Ẽng ê ktu: pse u‐ngre, si e θa: Ngani, šiχni vendin, tek iš vẽn Zoti.

Aχíerθin θa atire Džesúi: Mos trẽ́mbeni. Étseni, θoni vlézervet tim te vên Galilê, e atié me šoχen.

E po tše u‐mbióθtin bašk me piékjete, mârr kundzilje, δân te regjẽnda mburúame suljdetvet, Tue θẽn: θoni se δišípuljit e tîje arδur naten, e kalúan, si na fiéjem. E nde u‐dzefte kî šurbés ka krei vendit, na i mbiónjemi trût, e bẽ́njemi ju te mos kini gjê. E atá, mârr te regjẽndat, bẽ̂n si kišen kjẽn te mesúar. E kejó fiâlje u‐špriš nder Juδît, njera sot.