Popularne wersety biblijne z I LUKASI 7

Udostępnij

Onaemo pu'uno Kupauakomu, Halano anu hadio atuu inampuniomo, hangano hadioomo pompehohawa wineweuno. Sine mia anu tedei inampuni, tedei koa mbo'u pompehohawa wineweuno.” Ka Do'amba motaeakono beine atuu, ”Halamu inampuniomo.”

Sine Dopotae i Yesu a beine atuu, ”Ikaduduikomo pompe'ala-alamu, lakomo temoiko!”

Kontongaano mengese ka ilako mentade i bungku-Do i Yesu umpeda a ngkaru-Do, ka i'amba bahoakono uwoi matano karu-Do atuu ka ipahihiakono wuuno, ka i'amba woo-wooo karu-Do ka ilanaiakono mina-mina atuu.

onaemo pu'uno ongkue mbo'u tumuduo koroiku nahi pototoku aiwa ndi Omiu. Sine Ipepaumo koa te'asa mpali pau, asalakono ataku atuu ta tompa. Hangano ongkue andio mia i totono, ka i totoku hinao mbo'u sorodadu. Tewala kupotaeakono aasa sorodadu atuu: Lako!, asalakono onae lumako, ka a aasa mia mbo'u: Aiwa!, asalakono onae aiwa, ke maupo a ataku: Anggao andio!, asalakono i'anggao.” Mansa-Do rumongeo i Yesu pau atuu, Dokohali-haliakono, ka saru mewolili a mia hadio anu tumonda Ira, Dopotae, ”Kupauakomiu, pompe'ala-ala anu kanandio langkaino nahi Kuhori mohawe, maupo i olodo to Isaraeli!”

I tempo atuu Ondae i Yesu mompokotompa hadio mia inso a luwuno haki ka marasaia ka inso a onitu nsa'o, ka mokompongkita ira hadio mia morawu. Ka Dosangki ira i Yesu, ”Ilakomo, ka ipauakono i Yohane hapa anu kinitamiu ka rinongemiu. Mia morawu mongkita, mia pungku melempa, mia haki ngkuli mesaki gagi toompa, mia mobongo moronge, mia mate winangu ka a mia memongkokolaro pinaleleako lele moiko.