Popularne wersety biblijne z रोमापा 11

Udostępnij

घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

आहा! को़न्‍क्षोकगी नोर धाङ स्‍येराप धाङ स्‍येयो़न घीन्‍गी तीङ रीङा। खोङगी ठीम्‍चो़ ढेस्‍ये ग्‍याप ॱमीथुप्‍कीन, धाङ खोङगी लाम ॱहाघो ॱमीथुप्‍कीन दुक।

“चोवोगी थुकोङ सी़ स्‍ये हो़तालाक से? खोङला सी़ ढो़ तो़न थुप हो़तालाक से?”

देरेराङ झ्‍येरी धान्‍दागी धी़ देला थुक्‍जेगी थोक्‍ने, दाम्‍दा ईस्‍राएल्‍पा रीङगा ल्‍हाक हो़तालाक। धा दे थुक्‍जेगी थोक्‍ने हीन्‍ना, मीगी लेगाला राली़दी झ्‍युवामालाक। देरे हीन्‍ना थुक्‍जेगो नी, थुक्‍जे ॱङोन्‍ने मालाक।

धा क्‍युरुस्‍यीङ शाङागी याक्‍का रीङगा चेदी, रीगागी क्‍युरुस्‍यीङ दोङबोगी याक्‍काक्‍या होदे दोङबो शाङागोला थी़दी श्‍याक्‍ना, होदेक्‍याला होदे दोङबो शाङागी चावाने ची़ शाङागो थोबालाक। होझ्‍येरी होदे चेदी श्‍याक्‍सा याक्‍का हीन्‍गीन ईस्‍राएल्‍पाक्‍याई दोङदु, खे रीगागी दोङबो च्‍योक्‍रे हीन्‍गीन याहुदापा मेन्‍गीनक्‍या राङतो़ माझ्‍यी। राङतो़ झ्‍यीना, ख्‍यी़ चावागोला ॱमीखुरा, हीना चावागी ख्‍यो़ला खुरालाक ॱनेरी ढेन्‍सो झ्‍यी।