Popularne wersety biblijne z Luk 11

Udostępnij

Sobo tëbo lowene itaita esogo elelëkeflo kwe sobo lale wesibi sobobë nëbaleme itaita elëkefëmo. Këme nëgeme sobo melowene egelomemu, ‘Sobobë aya heven life mëta kë tafa lëglebë, bu metole lalële, oneho bume kë takune moglolabë, bubë Amtëtomba, bume lëglëmeme.’ ”

Bo some gali nolëyo, sobo Gotome wesibime takune elokweflome na bu some wesibi lëglëyome. Sobo wesibi hohwi etakefëtelome kwe sobo hwi eglolome. Sobo inome këke elekefëtelome na Goto some ino tika lëgëtatëyome.

Iniwa oneho Gotome wesibime takune moglokweflana, kwe bu wesibi glo mëglame. Na iniwa oneho wesibi hohwi mëtakefëtëmana kwe bu hwi moglomame. Na iniwa oneho inome këke mëglekefëyana kwe Goto bume ino tika lëgëtatëmeme.

Na Jisas bume megali tlome, “Sobo Gotome gëgali eglelëlona, kwe megali eglolome. ‘O, Aya, iniwa oneho bu megali samëla, “Ju lalemu.” Sebo metole nanëla, ju onehobë eso home tafa egletënabëme esitëna.

Ju sebobë tëbo lowene aholokwana sati eletëna, fli enëne seme tëbo lowene kë mëgletënabë lowene aholokwana fene ti nëletëma. Ju seme su mëgëtanabë wesibi elë asa hwiwa enona.’ ”

Iniwa olë, ju seme hi wesibi kë olë nijiwa saelëkefëna.

Jubë naba lamo fenene. Jubë naba lalowa nëgena kwe jubë lowene mago lowene elulego lëgëbetëme na iniwa ato mëta elulego lëgëbetëmemu. Kwe jubë naba tëbo nëgena, kwe jubë lowene mago lowene kilego lëgëbetëme.

Na Jisas ita gali tle, “Oneho bu lamo fiji mëtaya na ëho hana mëgëtayame o isekuna hana lamu mëgëtayame. Weye. Bu masei mëta gwa mëtayame. Na oneho lowa mëkaklijana, bubë elulego hwi namoglëyame.