Popularne wersety biblijne z Rɔm 8

Udostępnij

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

Ho’o, ɨŋ sol kuɗa gɨ na tɨma naŋ bɨ, sɔmɛ-bɨra naŋ bɨ, ka-ƴɔbɛ ga daa nii naŋ bɨ, gɨmdəŋ ga da turnɔ ga ɨsɨndəŋ naŋ bɨ, hɨnga ga a jaman di haw kɛ dɨŋ naŋ bɨ, a jaman di ba kɨya ɨrga dɨŋ naŋ bɨ, dɔnɔn̰əŋ ga a cay gɨsəŋ gaŋ kɛ naŋ bɨ, tɔgɨn̰əŋ ga a gɨɗɨgɨ-Kumu gaŋ naŋ bɨ, ga a cay gɨsəŋ gaŋ naŋ bɨ, hɨnga se ga da Kumu pɨna wo̰ naŋ bɨ, hɨnga pɨna wo̰ ga ba kɨya ɓale poyina dugo dan̰ geye gɨ Kumu gɨl doŋ kol cayna dan̰ gɨyəŋ gɨ da Jesu-Kɨris Ba-gulondɨna gɨ na bugoŋ pɨna danayi le, unɔ bɨrɨŋ.

Na toy di hɨn̰ wo̰ ma, Turnɔ di da Kumu dan̰ guso kalɨn̰ ma kɨya jɨbe toyna nee kɨya wa na-gandi tɔgɨyna wɨye. Na sɨlagɨŋ gɨyəŋ gɨ ojɨ gɨ ni olɨn̰ Kumu naŋ, ama Turnɔ di da Kumu kɨya ɔlɛ Kumu kɨya cayna dan̰ dɔrɛ ule gɨ ungo ɓala yɔ koldi naŋ.

Kardi kɔl ga nee le nɔm na, kɛ na koldi wa ma mana kɨya dɨbe cay nee ɗaŋ coŋ ga? Hɨn̰ gɨ Kumu naa danana na, kɛ na waŋ ɗaŋ coŋ ba kɨya jɨbna coŋ ga?

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

Ɗɔɔ ɨrɨme a cay hɨnga ga da kuyoŋdi-gusu le, kɨya wɔɔ na tɨma, ama ɗɔɔ ɨrɨme a cay hɨnga ga da Turnɔ di da Kumu le, kɨya wɔɔ na sɔmɛ-bɨra bɨ gusi-dɔbɛ bɨ.

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

Kɨɗɨn̰ ga ɨŋ ba ɨrɨm a cay gusoŋ-tɔgɛ gɨ Kumu ba kɨya wasɨn̰e cay bɨna kardi nee le, hɨnga ga ni gɨle-cɨn̰ ga a tɨwa di haw kɛ dɨŋ le, ɨŋ ɗongɨsɨge na dḛ wo̰ ƴɔbɨ gɨsɨn̰ danaa.

Kɛ geye gɨ Jesu-Kɨris ba geyna le, na wa ba kɨya poyina dugo danayi ga? Kɛ na hɨnga ga ni dɔsɛ-ɗugɔ wala, hɨnga ga osɨdəŋ osɨdəŋ wala, gɨle gɨ gɨlnage-cɨn̰ wala, kurɔŋ wala, ɔrɛ toyina kalɨn̰ wala, hɨnga ga dɨmbɨrdəŋ wala, pəlɨm ba kɨya poyina dugo danayi ga? Hɨnga pɨna wo̰ ga ba kɨya poyina dugo danayi unɔ.

Ama Kumu gɨ ba kɔbɛ te hɨnga ga woy a kuduroy kalaŋ le, ban ba sɔlɛ-hɨnga ga Turnɔ di da Kumu gey. Kɨya wa hɨnga ga Turnɔ di da Kumu ɨngɨr kɨya cay kalaŋ ga woyge dan̰ cɨndɨge le, hɨndi kɨya ɨngɨre na hɨn̰ gɨ kuduroy Kumu ba gey wo̰.

Kalaŋ nɔm ga Turnɔ di da Kumu ba dor tumoyge le, kan na karɨn̰ Kumu.

Na cɨndi, kalaŋ ga gorge dan̰ gɨyəŋ gɨ da dɔnɔ di da kuyoŋdi-gusu na, ɗege ɨrɨmedɨge na a cay hɨnga ga ojɨ cay kuyoŋdi-gusu. Ama kalaŋ ga gorge dan̰ gɨyəŋ gɨ da dɔnɔ di da Turnɔ di da Kumu na, ɗege ɨrɨmedɨge na a cay hɨnga ga ojɨ cay Turnɔ di da Kumu.

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

Turnɔ di da Kumu dan̰ guso kalɨn̰ ma lee tɨmon̰ a ɗugoyna gɨ na naa karɨn̰ Kumu. Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

Ɨrɨme gɨ da kuyoŋdi-gusu na ba-baa gɨ da Kumu, kɨya wa ɨrɨme gɨ da kuyoŋdi-gusu bɨga kɔl a cay gasɨn̰-kɔl gɨ da Kumu gɨŋ naŋ. Ɨrɨme gɨ da kuyoŋdi-gusu le ɓala bɔgɛ kɔl a cay gasɨn̰-kɔl gɨ da Kumu gɨŋ naŋ.

Wɔlɛ pɨna, Kumu kɨya wasɨn̰e cay gusoŋ-tɔgɛ di da karɨndi. Hɨnga se ga da Kumu nɔm woyge te game wɔlɛ gɨ nee le jɨngaa.

Na sol gɨ bɨrɨŋ gɨsɨn̰ haw kɛ, hɨnga se ga da Kumu nɔm woy te gɨle-cɨn̰ dan̰ gɨle-cɨn̰ di gɨlɨn̰ hɨn̰ wɔɔ gɨ lee tama wo̰.