Popularne wersety biblijne z Rɔm 3

Udostępnij

Kalaŋ nɔm na ka-lɔɔ ɨsɨna, na wo̰ ma kan kɨya ɓale andaŋ a duroy gusoŋ-tɔgɛ gɨ da Kumu dɨŋ naŋ. Ama Kumu dan̰ gɨyəŋ gɨ da ɗarwa toyi bɨle kalaŋ leen̰ ga dan̰ durɔ ɗɨngar a cɨndi kalɨn̰, na dan̰ gɨyəŋ gɨ da bugoŋ pɨna dan̰ Jesu-Kɨris gɨ ba dorge a te ɨsɨna koge gɨŋ dɨbɨge daa.

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰, ban dɨbɨ ɗugoyi. Ama haw kɛ na, dan̰ gɨyəŋ gɨ da bɔgɛ kɨbar gɨ nee le, ban gɨl gɨ ɗi na lee hɨnga naa dan̰ gɨyəŋdɨge bɨ, ban gusi kalɨn̰ ma ban naa ungo gɨ dan̰ durɔ ɗɨngar bɨ, ba bɨle kalaŋ nɔm ga beege kuduroyge a cay Jesu, leen̰ kalaŋ ga dan̰ durɔ ɗɨngar a cɨndi bɨ.

Na toy di hɨn̰ wo̰ ma, ungo gɨ ba kɨya bɨle ungo gɨ dan̰ durɔ ɗɨngar a cɨn̰ Kumu dan̰ gɨyəŋ gɨ da gɨye-lɔɔ gɨ da gasɨn̰-kɔl unɔ. Kɨya wa gasɨn̰-kɔl gɨl na ɨsɨna gɨ da kalaŋ ɗe kan na sol ƴɔbɨ.

Walge duroy Magtubu di da Kumu dɨŋ yege hɨn̰: «Ungo gɨ dan̰ durɔ ɗɨngar unɔ, Pɨna nɛŋ wo̰ kalɨn̰ ma unɔ.» «Ungo pɨna wo̰ gɨ ba sɔlɛ-hɨnga unɔ, Ungo pɨna wo̰ gɨ ba male Kumu unɔ. Kan nɔm ɗege gɨyəŋ gɨ ɗari coŋ, Kan nɔm bɨləŋge ka-matɨr. Ungo gɨ ba lɔɔ hɨnga ga ɗari unɔ, Pɨna nɛŋ wo̰ kalɨn̰ ma unɔ.»

Ho’o ni sol kuɗa gɨ ungo kɨya bɨle ungo gɨ dan̰ durɔ ɗɨngar a cɨn̰ Kumu na dan̰ gɨyəŋ gɨ da aye kudurɔ koyi ƴɔbɨ, ama na dan̰ lɔɔ gɨ ban lee te gasɨn̰-kɔl gɨ da Moyis naŋ.

Cə, na hɨn̰ wo̰ naŋ bɨrɨŋ! Hɨn̰ gɨ kalaŋ nɔm naa ka-poy kalɨn̰ ma, Kumu na ba-yɔɔ kɔl gɨ cɨndi. Na hɨn̰ gɨ Magtubu di da Kumu ye wo̰: «Ay Kumu, hɨn̰ gɨ ji na ya kɔl na, Ungo sol gɨ naa kɔl gɨ cɨndi. Hɨn̰ gɨ ungo na dɨbɨ kɔl can̰ na, Kɔl wo̰ gɨ ba kɨya ƴɔmɛ can̰ unɔ.»