Popularne wersety biblijne z Rɔm 10

Udostępnij

Na cɨndi, hɨn̰ gɨ ji na ya dan̰ kɨbɨn̰ gɨ Jesu naa Ba-gulɔŋ bɨ, hɨn̰ gɨ a ɗugon̰ ji na bɨga kuduron̰ cay nee gɨ Kumu na boyii lɨbii duroy kalaŋ ga madɨrdaŋ gaŋ bɨ na, ji kɨya pɔɗɛ.

Kɨya wa na dan̰ gɨyəŋ gɨ da aye kudurɔ gɨ woy a ɗugoy ungo le ma Kumu bɨlɨn̰ ungo leen̰ gɨ dan̰ durɔ ɗɨngar a cɨndi bɨ, na dan̰ gɨyəŋ gɨ da kɔl gɨ andaŋ a kɨbi le ma Kumu poɗii bɨ.

Lee gɨ hɨnga ga ɨrgan̰ dan̰ aye kudurɔ le, na jɔɔ kɔl gɨ dorge bɨ, kɔl gɨ dorge le, na kɔl gɨ da Kɨris bɨ.

Magtubu di da Kumu ye hɨn̰: «Waŋ waŋ gɨ na bɨga kuduroy a cayi na, Dasi kɨya doyi naŋ bɨrɨŋ.» Lee gɨ hɨnga ga ba kɨya dɔrɛ cɨn̰ kalaŋ ga toyge na Jubɨ ba kɛ naŋ le, kalaŋ ga toyge na Jubɨ naŋ ba kɛ le unɔ. Kan nɔm le, Ba-gulondɨge na pɨna hayi. Waŋ waŋ gɨ na tɨga gusondi na, ban kɨya wɔɔ ɗarwa danayi gɨɗaŋ bɨ. Na cɨndi, Magtubu di da Kumu ye hɨn̰: «Waŋ waŋ gɨ na tɨga guson̰ Ba-gulɔŋ na, Ba-gulɔŋ kɨya poɗii.»

Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»

Ama hɨn̰ gɨ ungo na bɨga kuduroy a cay Ba-gulɔŋ naŋ na, kɛ ban kɨya tɔgɛ gusondi na mɨna ga? Hɨn̰ gɨ ungo na ja kɔl gɨ da Ba-gulɔŋ naŋ na, kɛ ban kɨya bɔgɛ kuduroy cayi na mɨna ga? Hɨn̰ gɨ ungo na tɨga bɛrnɛ di da Kɔl-gɨ-Ɗari bɨn̰ ungo naŋ na, kɛ kan gɨ jɔɔ kɔl gɨ da Ba-gulɔŋ na mɨna ga?

Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.