Popularne wersety biblijne z Rɔm 1

Udostępnij

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Ungo sɨla Kumu dan̰ tɨdi cay pɨna naŋ, ama an̰ toy jɨne ɓɨrag a te ɗɔɔ gɨ da cay gɨsəŋ le, dɔnɔ toyi di woy dan̰ tumɔɔ bɨ, Kumu gusi bɨ le, woy cɨn̰ tɨwa dɨŋ ɗen̰ ɗen̰ dan̰ gɨyəŋ gɨ da hɨnga se kayi. Na toy di hɨn̰ wo̰ ma, kɨɗɨn̰ ga ni an̰ jɨba unɔ ɨni.

Kalaŋ solge gɨ Kumu woy nee hage, ama kan̰ge dɨbe gusoŋ-tɔgɛ cayi leen̰ Kumu bɨ, looyi ho’o bɨ. Gɨ ɗe kan na lee hɨn̰ wo̰ na kan laage naŋ, ama kan ɗe ɨrɨmedɨge gɨ kalɨn̰ wo̰ dugo le, orɨn̰ danage dɨbɨge coŋ.

Kan kɨlangɨge kɔl gɨ da Kumu gɨ cɨndi dan̰ kɔl poy. Kan n̰ɨrge kandɨ se ga da Kumu bɨ leege gɨye bɨge bɨ. Kumu gɨ ba se hɨnga nɔm le kan n̰ɨriige naŋ, ama ojɨ gɨ na ban ma kan ni kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰.

Kuduroy-hɔmɛ da Kumu sayga gɨɗɨgɨ-Kumu gɨŋ baa a cay ka-baa ga da Kumu bɨ, a cay ka-lɔɔ gɨye gɨ dan̰ durɔ ɗɨngar naŋ bɨ, kɨya wa gɨye-lɔɔdɨge gɨ dan̰ durɔ ɗɨngar naŋ le tɨlɨm cay kɔl gɨ cɨndi dugo.

Na toy di hɨn̰ wo̰ ma, Kumu ɗege a kobi tabɨlaŋdi hɨnga nɔm ga lee dasi ga leege le. Na hɨn̰ wo̰ ma, kandiige malage na ban̰aŋ naŋ ama malge na kamdɨge kandɨ. Ban̰aŋ kalɨn̰ ma ɗege gɨyəŋ gɨ da male tama dan̰ bara coŋ, ama tabɨlaŋdi gusɨge leege a cay gusɨge koge gɨŋ gɨɗaŋ. Lee gɨ kan leege hɨnga ga di dasi dan̰ gusɨge. Na toy di hɨn̰ wo̰ ma, kan wan̰ge hɨnga ga ni cay kɔbɔ gɨ da gɨye-lɔɔdɨge gɨ beege kayaŋ. Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Kan solge gusɨge leen̰ ka-muɗɔlɛ, ama leen̰ cɨndi na kan bɨlege na ka-dɨngale. Kan kɨlangɨge gusoŋ-tɔgɛ gɨ da Kumu gɨ kɨya mare naŋ bɨrɨŋ, dan̰ turnoyi hɨnga se ga kan leege ga gɨlɨn̰ dan̰ ungo gɨ ɨndi gɨ kɨya mare bɨ, dan̰ cɨɗəŋ bɨ, dan̰ kɨmɛnɛ ga tɨbayge poɗɨn̰ bɨ, dan̰ kɨmɛnɛ ga n̰ar dugo bɨ.