Popularne wersety biblijne z Matɨyo 11

Udostępnij

«Ɨregɨŋ gusɨnɨ nɔm kɨŋ ga ka-tabe bɨ, ga ka orɨn̰ dan̰ kɔl kondɨ caygɨŋ bɨ le, ɨŋ kɨya bɨgɨŋ dɔrɛ gɨlale.

Ayagɨŋ jugɨ hɨnge dɨbgɨŋ kordɨgɨŋ bɨlɨn̰gɨŋ ka-aye-cay-tɨbanɨ. Kɨya wa ɨŋ na ungo gɨ kalenɨ jal bɨ, ɨŋ gɨl gusɨnɨ naŋ bɨ. Na nee ma magɨŋ kɨya wɔɔ dɔrɛ gɨlale le.

Ho’o jugɨ hɨnge dɨja aye naŋ bɨ, hɨnga ga ni kɔjɛ kange kalɨn̰ ma, hɨmbal bɨ.»

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Jesu dɨbɨge cay nee yege hɨn̰: «Ɨragɨŋ dɨran̰gɨŋ Ja̰ kol hɨnga ga kɨŋ ba sol bɨ, je bɨ: Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada duroŋ gusɨge bɨ, kalaŋ ga sɨmayge ja kɔl naŋ kalɨn̰ ma, jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan teege bɛrnɛdi bɨn̰ge kan ga hɨnga wɔɔdɨge unɔ bɨ.

Ungo gɨ sɨmayi na wɨya nee na, kuɗa gɨ ban ɨrɨm cay kɔl gɨ ban ba je le.»