Popularne wersety biblijne z ရမ် 14

Udostępnij

ခုဝ်၊ ခဲင် မိူင် ပီ အိုပ် ဇဝ်ဖြာ ပီ ဒီ ဟူမ် အာရေ တူ တာင်။ န့ မုး နဝ်း ဆိူဝ် နဝ်း မှာန် ဘော နဝ်း ဂတ် ဂျီတ် ဘော နဝ်း ဒါခိုယ် ဂျာမ်ဆာ ပီ ဒွါ နဝ်း ဖွိုမ် ဇဝ်ဖြာ။ မျုဝ် တီ ဟဲ့ အာရေ တာင်။ ဒွန် အီ အီ ဘူင် ပီ အိုင် ဇဝ် ယေဆူ ပါယ် တီ၊ အန် ဟဲ့ မုး ဒူအီ အီ လဝ့် နဝ်း ဇဝ်ဖြာ။ ဘော ဂေ ဒူအီ ဒီ အိုင် အန်။

ဆေ အေ ဆီ အိမ်၊ ပီ ဘူင် အေ ဒွန် မျုဝ် အေ ဘူင် တဲး န့ ဒူပ် ပီ အိုင် ဇဝ်ဖြာ။ ဆေ အေ ဒီ ဘော ယမ်၊ တဲး န့ ဒူပ် ပီ အိုင် ဇဝ်ဖြာ။ ဆေ န့ ပါယ် တီ၊ အေ ပီ ဘော အိမ်၊ အေ ပီ ဘော ယမ်၊ အေ မုး ဒူအီ ပီ အိုပ် ဇဝ်ဖြာ။

ခုဝ် အန် တီ တဲး အေ ဂျုဝ်ဂျာ ဒီ ဘူင် မျုဝ် အီ ဒီ တဲး နဝ်း နှိမ် နဝ်း ဒါခိုယ် ဘော အီ ဒီ ဘဲန် ပ့လူမ် ဘဲန် ဟဲန့် ဒီ နဝ်း အီ ဆေဆေ။

ခုဝ်၊ ကွဲ့ တဲး အေ လာယ် ဖျာက်၊ လာယ် ဆုင်ဖျာတ် ပီ ဘူင် အေ၊ ယုဝ် န့ မွှိုမ် တူ မွှိုမ်။ တဲး အေ ယီ ခတ် နဝ်း၊ ကွဲ့ တဲး အေ ဘူင် ခေါ အူ မျုဝ် အီ ဒီ တဲး ဘီနွင် အေ ကာလိုပ်။

ခဲင် ဘပ် ဇဝ်ဖြာ န့ ဟဲ့ ဒဲမ် အုန် တဝ်း၊ “ပီ ကာလာင် အုဝ် ဟဲ့ မှာန် အာခါခ်ု။ ဒူအီ ဒွန် အီ ဒီ လုဝ် တး ခြိုပ်ခြဝ် ဒီ အာတ့် အုဝ်။ ဒူအီ ဒွန် အီ ဒီ ဘော တဝ်း၊ အုဝ် မုး ဇဝ်ဖြာ။” ပါယ် တီ၊ အေ ဒွန် အီ ဒီ လုဝ် ခဲ တူတ့် ပဲ့ ဟဲ့ ဘူင် အေ၊ တဲး ဇဝ်ဖြာ ထူမ်။ အေ လုဝ် ကာလာင် ပါယ် တီ ရာင် အာဆေ ရာင် အန်။

တဲး ဘေ ဖြူမ် ဒီ ကွယ် ရိုမ် ဒူပ် ဂေ ဒူအီ အီ ညှိုမ် ဇဝ် ယေဆူ အီ ယီ ယုဝ် ဒီ ကာလိုပ် ဒီ ဟူမ် ဒီ တာ ဘဲန် မျုဝ် ဘဲန် မျုဝ်။ ဘေ ယီ တူ လုဝ် လာယ် ကာထဲန့် ဒီ ဂေ လွင် ပီ ထာင် ဘေ အီ လာယ် ဘ့လိူင်။

မဲ ထာင်၊ မဲ မုး အာဆေ၊ တဲး မဲ ပွိုန် ဒီ ဖျာက် ဒဲစေန့် အီ ဟဝ်။ န့ မိုဝ်း မီ ဒါ ကာညာ အန် အီ ပွိုန် ဒီ ဆုင်ဖျာတ် ဒီ ယွတ် ပီ ဘူင် အန်၊ ယုဝ် ဟဲ့ မှာန် အာဝ် မှာန်။ ခုဝ်၊ ဇဝ်ဖြာ ယီ ဒီ တဲး အန် ဘူင် နာ မှာန်။ န့ မုး ပွုန် ဇဝ်ဖြာ အီ တဲး အန် နပ် ဒီ ဘူင် အီ မှာန် အီ မွှိုမ်။