Popularne wersety biblijne z ယဟ 19

Udostępnij

ဇဝ် ယေဆူ ဟဲ့ ဟွတ့် ညွှတ် ပါယ် တီ၊ အန် ဝီ တဝ်း၊ “ဟဲ့ ဟွတ့် တူတ့် ဒွန် မျုဝ်။” အန် ဟဲ့ ဟွတ့် ကာလာင် ဂြုဝ်း တီ၊ ဂိန့် အန် ဘော ဒီလှး၊ ဖွိုမ် အန် ဘော တူတ့်။

ဝါယ် အန် တီ ဇဝ် ယေဆူ ဘော နပ်၊ န့ ဟဲ့ ဟွတ့် ဘဲန် တူတ့် ဒွန် မျုဝ် ပီ ဒွိုမ် ဒဲမ် အုန် ခဲင် ဘပ် ဇဝ်ဖြာ။ ခုဝ်၊ အန် ဝီ တဝ်း၊ “အုဝ် ဟဲ့ ဆီ ဒျီင် အိုမ်။”

ဇဝ် ယေဆူ ဘော ယိုဝ် မာ အန် ဘော ဒီဘဲ ဝီ ပီ ရွက့် အန်။ ဂါယ် ကွယ် လာယ် ကာချြီ့။ အန် ဝီ တဝ်း ဒီ မာ အန်၊ “အိုယ် မာ၊ ဝီ တီ ဟဲ့ ဝီ ဘဲန် ဂွန် မဲ။” အန် ဘော တဝ်း ဒီ ဒီဘဲ အန် တွိုန်၊ “ယွတ် မာ အုဝ်၊ အန် ဟဲ့ ဝီ ဘဲန် မာ မဲ။” အူ ဆိန့် ဒေါ တဝ်း ဇဝ် ယေဆူ ဂြုဝ်း တီ၊ ဒီဘဲ အန် တွိုန် ဘော ဒဲ့ မာ ဇဝ် ယေဆူ တး ကွယ် ခဲင် ကာင် အန်။

ဒေါ တး ဂေ ဒီ ရွင့် ဇဝ် ယေဆူ၊ ဂေ ကော နပ်၊ အန် ဟဲ့ ဟွတ့် ယမ်။ ခုဝ်၊ ဂေ တူ ကာဘက် ပ့လဝ် အန်။ ဒါ ဆိုက် အူ ဝီ ယီ ဒိုဝ်း ဘ့လာ လျီး၊ ဆတ် ဘြေတ့် အန်၊ တဲး အိုမ် ဂေ နှာမ် လေး အူ ဇေန့်။

န့ ဘော ဘဲန် တူတ့် ဒွန် မျုဝ် ပီ ပီ ဒွိုမ် ဒဲမ် အုန် ခဲင် ဘပ် ဇဝ်ဖြာ။ န့ တဝ်း၊ “ဂေ တူ ကာဘက် ကာအာင် အန်။ အာဒါ အူ ဘူင့် မိူဝ် ဂေ တူ ကာဘက်။” ပေါ အူ ပ့လုဝ့် န့ ဟဲ့ ဒဲမ် အုန် ခဲင် ဘပ် ဇဝ်ဖြာ တဝ်း၊ “ဂေ ဒီ ငွိုပ် ဝီ ပဲ့ ဟဲ့ ဆတ် ဂေ တာ ဘ့လာ လျီး။”

ဇဝ် ယေဆူ လုဝ် ဂွတ် ရွင့် ကာဝဲ့ အန်၊ ဟာဝ် နာ ရေတ့် မိူင်၊ ဟာဝ် ဇမ် ဒူင် အီ စိူဝ် ဒူင် ကွယ် ကာအာင် ဂိန့် ဒူအီ။ ခဲင် ဂြုဝ်း ဟဲဘြဲ န့ စိူဝ် “ဂေါလဂုဝ်ထာ။”

ဂေ ဘော ဒိုဝ်း ယွုန် မာအာတ့်၊ ဘူင် တဲး န့ ပီ မင်ဂိုမ်၊ ဝီ ဘ့လေး ဒဲင် ဂိန့် အန်။ ဂေ ဘော ဒိုဝ်း ခြိုင် ရေန့် ဂဲ ပီ စှိုပ် ခုန်ဒီခမ်၊ တဲး အန် စှိုပ်။