အာဖေထူ ယီ ကွယ် မိူင် ယေရူဆာလဲမ် အာဒါ ဒိမ် ဆီငဲ။ ဘော နုဝ့် ဆီငဲ ဂိုဝ်၊ အန် ဝီ လူင် မိူင် ကေဆာရေ။ အန် ဟဲ့ ဟွတ့် ဇမ် မိူင် ကေဆာရေ၊ ပါ ခဲညှာ၊ အန် ဝီ တဝ်း ဒီ ဆုင်ဖျာတ် အာမူ အီ။ အန် ဘော စ်ု ဂေ ဒဲ့ အာပေါလူ တး ဒူင် ကွယ် အန်။ အာပေါလူ ဟဲ့ ဟွတ့် ဇမ်၊ ဂေ ဒူအီ အာယူဒါ၊ အီ ဟဲ့ တး မိူင် ယေရူဆာလဲမ်၊ ဝီ လူင် ဇမ် ဒူင် ကွယ် အာဖေထူ၊ ဂေ ကွယ် ကော ရူပ် အာပေါလူ။ ဂေ ဝီ ဖျာက် အန်၊ ဝီ ကာလာင် ကိူန် နာ တူ မွှိုမ် လွင် အန်။ မာလဲ၊ ဂေ ယီ တူ ပဲ ဒီ ဘျ၊ တဲး အီ နပ်၊ ဂြုဝ်း ဂေ ဟဲ့ မှာန်။