Popularne wersety biblijne z ၂ ခရ 4

Udostępnij

ခုဝ်၊ ယေ တူ ဇေန့်ဇာ လွင် ပီ ယိုဝ် ဒီ ငါယ်။ ယေ ဇေန့်ဇာ လွင် ပီ တူ ယိုဝ် ဒီ ငါယ်။ ခုဝ်၊ မျုဝ် ပီ ယိုဝ် ဒီ ငါယ်၊ အန် ဘော ကွယ် အူ ကာစန်။ မျုဝ် ပီ တူ ယိုဝ် ဒီ ငါယ်၊ အန် ယီ ကွယ် ဆေဆေ။

ခုဝ် အန် တီ နဝ်း ယေ တူ လိုဝ် ဒေါ မှဝ်။ ဒုဝ် ဘူင့် ယေ ပီ ဘော ဟဲ့ ရိန် ဒီ ယမ် မိူဝ်၊ နဝ်း ဖွိုမ် ယေ ယီ ဝီ မ့ပြာယ် ဒွန် ဆီငဲ၊ တဲး န့ ဘဲန် ပီ အီ ကာမာယ်။ ဒုက် ပီ ကာဒုး ယေ အီ စဲက် အီ စဲက်၊ အူ ကာစန် အူ ကာဘြိုဝ်း၊ န့ ဒီ ဝီ တဲး ယေ မိုဝ်း အာဖုင် ဒင်ခုဝ် အီ ကွယ် ဆေဆေ၊ တူ နပ် ဒီ တူတ့်။ ဒုက် ပဲ့ ဟဲ့ ခမ် ယေ၊ အာဝ် ငှိုယ် ဒီ ကာဒါန် အာဖုင် ဒင်ခုဝ် တီ။

ယေ ဟဲ့ ခမ် ဒုက် ကာဆဝ် ဘဲန် မျုဝ် ဘဲန် မျုဝ်။ မာလဲ၊ န့ ယီ တူ တဲး ယေ စှိုမ်။ မင် ဇေန့် ယေ ဟဲ့ ဒုက် ညှာပ် ကော ဟူ နပ် ပီ ဘော မုး။ မာလဲ၊ နဝ်း ယေ ယီ တူ လိုဝ် ဒေါ မှဝ်။ အီ ဟဝ် ဘော ဒွါ ဒုက် ဒီ ယေ၊ မာလဲ၊ ယေ တူ ဒွိုမ် မိုဝ်း ဒေါ တူ မိုဝ်း ဂိုက်။ ယေ ဟဲ့ ကာဒုး မး ဘဲန် ဇေန့် ဘဲန် ဇေန့်။ ယီ တူ လိုဝ် စှိုမ် ဒေါ မှဝ်။

ဇဝ်ဖြာ ဟဲ့ ဟပ် အာဖုင် ဒင်ခုဝ် အန် ခဲင် နဝ်း ယေ၊ တဲး န့ ပီ အန် ဟဲ့ ချြီင် အုန် ကြုဝ် အီ ဘွတ် ကာဆဝ် ခဲင် ကာလုဝ့် ကာဒါယ် အီ တူ မိုဝ်း ဒီ ငဝ်း ဒီ ခန်။ ပါယ် တီ၊ န့ ဒီ လိုဝ်း ဆီချာ လွင် ပွုန် အီ ဟဲ့ တာင် လွှိုမ် တူတ့်၊ န့ မုး ပွုန် ဇဝ်ဖြာ။ န့ တူ မုး ပွုန် ယေ။

အန် ဇဝ် ပီ ကြိုပ် ဒူအီ ဒဲင် ကာဒါယ် နီ၊ အန် ဟဲ့ အိုပ် အာငျာန် ဂေ ဒူအီ ဇိုဝ် တီ၊ တဲး န့ ပီ ငါယ် ဂေ ဟဲ့ အပ် ဝွင့်။ ခုဝ်၊ ဂေ တူ ညှိုမ်။ န့ တူ လိုဝ်း ဒီ ဂေ လွင် ဂြုဝ်း ဇဝ်ဖြာ အီ တဲး နဝ်း ဒူအီ ဒါခိုယ်၊ အီ ပီ ဘ့လာင်။ ဂေ မိူဝ် တူ ပွိုန် ယိုဝ် အာဖုင် ဒင်ခုဝ် ဇဝ် ယေဆူ၊ အီ ပီ ဇဝ်ဖြာ အာခ်ု မှာန်။

ဇဝ်ဖြာ အီ ဟဲ့ တဝ်း၊ “တဲး ဘ့လာင် ထွင် ဒူင် အပ် ဝွင့်၊” ဇဝ်ဖြာ တီ တဲး န့ ဘ့လာင် ဘော ခဲင် နဝ်း အေ၊ တဲး အေ ယိုဝ် အာဖုင် ဒင်ခုဝ် ဇဝ်ဖြာ ကူပ် ညှိုမ် အေ ဇဝ် ယေဆူ။