Popularne wersety biblijne z Marcos 7

Udostępnij

Koma lu laadxi'dau'e bënni r'roj: yugute' le ku nak, yëla rajtzu'u'leen nu ku zua'leen'li, yëla gban, yëla rdëëdi bunach, yëla rgitzj xhba ki utzag'na', yëla zelaadxi, yëla xhe'e, yëla rzi'ye', le rusnit le' bënni, yëla rdi'i, yëla usa' diidza, yëla run xhën kuin'li, yëla ti nayajni'i. Yugute' le ku nak dxia'a ni taroj laadxi'dau'e bënni len run le' bëzj.

Keg le ryaaz nule'e'le bënni run le' bëzj. Le r'roj laadxi'dau'e lena'a run le' bëzj.

Jesús bubi'e kieke diidza: —Gna'kze ka Isaías bënni be'e diidza ulaaz kie' Dios kati bzooje kieeli le nak'li ka bënni nuda' blo'u: “Yëdz ni tun'ze lua' tui'ke neda bala'an, san laadxi'dau'ke ga yubl rda.

Gat'ga dekz run tayiijilaadxi'ke neda, le tuseed'de nak le tayaazlaadxi'ke bunach.”

Koma rka'an'li le gnabe'i'de lbi'ili Dios naar run'li le chi naleeb'kde tuune bunach.