Popularne wersety biblijne z Zbulesa 11

Udostępnij

I ra trumbetës engjëlli i shtatë. Atëherë në qiell u dëgjuan zëra të lartë që thoshin: «Mbretërimi i botës i përket Zotit tonë dhe Krishtit të tij, ai do të mbretërojë në shekuj të shekujve».

Kombet u zemëruan, por ja ku erdhi zemërimi yt! Erdhi koha për të gjykuar të vdekurit, për t'u dhënë shpërblimin shërbëtorëve të tu, profetëve, të shenjtëve, atyre që e druajnë emrin tënd, të vegjëlve e të mëdhenjve dhe për të shkatërruar ata që shkatërrojnë tokën».

Gjatë atyre një mijë e dyqind e gjashtëdhjetë ditëve do të dërgoj dy dëshmitarët e mi të veshur me rroba zie për të profetizuar.

Por, pas tri ditë e gjysmë shpirti i jetës erdhi nga Perëndia dhe hyri tek ata. Dy dëshmitarët u ngritën në këmbë dhe ata që i shikonin i zuri një frikë e madhe.

Ata kanë pushtet për të mbyllur qiellin, që të mos bjerë asnjë pikë shi gjatë ditëve kur ata do të profetizojnë. Kanë edhe pushtet t'i kthejnë ujërat në gjak dhe ta godasin tokën me epidemi sa herë të duan.

Këta janë dy ullinjtë dhe dy shandanët që qëndrojnë para Zotit të tokës. Nëse dikush dëshiron t'u bëjë keq, nga goja e tyre do të dalë zjarr që do t'i përpijë armiqtë e tyre. Kështu do të vritet ai që dëshiron t'u bëjë keq.