Popularne wersety biblijne z Ruum 5

Udostępnij

Nga ontok diri kiduso tokoupo om pinataak do Kinoringan i Yisus do matai sabap do duso tokou. Om iradno diri do pinointalang di Kinoringan do au Isido kojuu daton.

Om nong kivaro pangaarapan tokou nga auno oruol i ginavo tokou sabap do popuriman i Tatod Tolidang di ginavo tokou do au kojuu marong i Kinoringan daton, do irino i Tatod TolidangJo do nitaak si daton.

Om okonko iri-iri noo nga asanang i ginavo tokou nogi ontok do asansara sabap oilaan tokovi nong asansara tokou nga atagar i ginavo tokou mantad diri kasansaraan. Om nong atagar i ginavo tokou nga kovulai i kogiroto di ginavo, om nong ogirot i ginavo tokou nga kovulai i pangaarapan.

Irad nopo diri, sabap maino aparsaya tokou di Yisus Koristus nga pinakabanar tokou si di Kinoringan, om kivaro dii kopiandaian tokou si di Kinoringan mantad di kinapatajan di Yisus Koristus i Tuhan tokou ginumanti daton. Om sabap i kaparsayaan tokou di Yisus Koristus, nivangan tokou Disido do iso vajaan do adapat tokou momurimon do opuavang i Kinoringan daton om tantu do opuavang Isido daton. Om asanang i ginavo tokou sabap mangaarap do kivaro boogian tokou siri vinaang di kagajaan do Kinoringan.

Do ngaam-ngaam diri natantu do Kinoringan nga minatai i Koristus ginumanti daton, om ontok diri nga oluoi tokoupo om aupo nokotutun tokou di Kinoringan.

Om pinakabanar tokou di Kinoringan sabap di raa di Koristus, om tantuno do poiduon tokou mantad di karaatan di Kinoringan.

Do iradno dino kinoompusan do iri iso tulun au minangasip di tinangaran do Kinoringan, om kasangkat tulun nga kiduso. Om irad nogi dino, isoi iri tulun minangasip di tinangaran do Kinoringan, om oguu tulun nga pakabanaron di Kinoringan.

Om okonko iri-iri noo, nga asanang nogi i ginavo tokou do nokopiandai tokou di Kinoringan, om kopiandaian tokou nopo di Kinoringan nga mantadno di Yisus Koristus i Tuhan tokou.