Popularne wersety biblijne z Susuuon 3

Udostępnij

Nga irad nopo dino, rumorogo kouno di duso muju, om gumotuvang kou di Kinoringan supaya oopusan Disido i duso muju

Nga kadi Pitrus kavagu, “Ausoi siinku. Nga saralom ngaran di Yisus Koristus mantad Bandar Nasarit mongolingos oku dika. Ingkakatno om pampanauno!” ka.

Om kuutaino dii di Pitrus i longonjo vanan do poingkakat disido. Nga turus dii do nokogirot iri takodjo om iri tampangiljo. Om sinumimpod isido mingkakat om pipanau-panau isido. Om minaja isido di Pitrus om i Yaya masu siri Valai Sasambayangan Tagajo. Om mimpod-simpod isido mampanau om majou-rajoui dii do Kinoringan.

Om irino kuasa do ngaran di Yisus do popogirot diti tulun nokimai. Antangan muju om oilaan mujui do nolingasan iti tulun, nga irino mantad do kaparsayaan disido di Yisus. Aparsaya ikoi di Yisus om irino minongolingos disido i gotuvang muju,” kadi Pitrus.