Popularne wersety biblijne z Waroma 1

Udostępnij

Imi nadumusa kamare Injili, kwani ni ndighi ya Mlungu iwakizagha wandu wose wadumusa: Wayahudi na siweo Wayahudi.

Kwa kukala Injili yaonyeza selyi Mlungu awadeagha wandu wakale wahachi kwa ngila ya idumusi, kufuma kudyowa hata kudua. Selyi Mawandiko gha Kuela gheghoragha, “Uyu adeo mhachi ni Mlungu kwa idumusi, ukalagha moyo”.

Kufuma Mlungu aumba urumengu, hata ngera sani seonekagha, ndighi zake na ulungu ghwake ghwamanyo. Wandu waghumanya kwa viumbo va Mlungu. Kwa hung'u siwawesi lyekutetela.

Hata ngera sani wanamumanyile Mlungu, siwamuhawile ishima sa Mlungu, hata siwamfunyilile asanta. Kwani maririkanyo ghawe ghanawase na akili zawe ni nduu zijulo ni kiza.

Waghalula hachi ya Mlungu kukala ndimi: watasa na kutumikila vindu viumbilo ni Mlungu kibalo cha Muumbi wawe, uyu afweni akaso kwa kale na kale Ameni.

Hare ya Mlungu yaonekana kufuma mlunguni, nayo yajila kaung'a na ulaghelaghe ghose ghwa wandu awa weimagha hachi siyamanyo.

Kwa undu ughu, Mlungu wawasigha wairime tamaa zefwisha waya. Hata wake wawe waghalula matumizi gha selyi waumbilo kwa ngila iyo kinyume cha selyi waumbilo. Nawo walume wasigha wake, waonelana beha iwase wenyi. Walume wadeilana malagho ghefwisha waya, kwa hung'u wakupatila makwito ghawafweni kwa ulaghelaghe ghwawe. Na kwa kukala wandu walegha kumtambula Mlungu, Mlungu wawasigha walaghaye kele maririkanyo ghawe ghawase.

Wanaghoragha ni walachu, ela ni wazimu, kibalo chemtasa Mlungu, watasa sanamu zifwanane na mdamu, nyonyi, nyamandu ango nyamandu zikukurughusagha.