Popularne wersety biblijne z Fagsigadan 32

Udostępnij

Ay at usama gbalus te, “Katsi ban am ngayan bundi Akub. Antuwa Israel. Fakatanyaun am ngayan, teway o tuwa at nababo. Gina o nayababoun sik taw, ginanya nababo wo fiya. Ay katsi nayababoun o Diyus, ay o wa fiya at nababo.”

Ay Akub sulfuwan nu naslu wan, kanya fag mangama at sadi get wa Akub te, “Katsi falfasi wa angku. Gakamenitun wan. Glo kwan.” Ay Akub gbalus at sadi te, “Yaya, kwa gfalfas emu. Yap ngay o nafatuyanan angku, te tumarabang wo ban angku, kwa gfalfas emu.”

Ay kanya sesadi, naguyanan yay sanya fag dife baliwa. Ay Akub kaduge gsesadian sanya sad yabi, sik mangama ndasug. Ay kanya fag mangama nafabarangyan dawdaw Akub. Nafasadsanganan. Nayafabungleun at sadi. Ay nafalugo wan, nu gbarangyan katanya. Arvs anggan wa nafamenit, at kadugayan nu gbarangyan.

Ay rodi ataw, Akub nafangayan sanya fag lungud te, Penuel. Fakatanyaun Akub nu gngayan, teway gamatangan te, “Aro ginan mangaro, glag akwan Diyus at mata. Ay dewa katanya, dakdi nkate. Gleleg kyadi.”

Kanya fag duwama nu gbarangyan wa gugat gugat sanya gfalugo, at sadi nasaful te, “Yaya, katatuy galabawan kwan. Kwa long ro mabo Akub.” Ay nu katanya, kanya at sadi fag mangama nated Akub balangbang, sit ke sulfuwan balitang. Ay naslu wan at sulfuwan sanya.

Nu katanya at usama nainto Akub te, “Sinu am ngayan?” Ay Akub gbalus te, “Angku ku ngayan Akub.”

Ay Akub nainto at usama te, “Ay emu am ngayan, sinu?” Roro at usama wa gfoyung at ngayan. Fangkabat gbalus way Akub te, “Go taw ro am fagyasafulun ku ngayan?” Ay dewa katanya, at usama nafatuyanan tuwa sas Akub, te kanya ban gtarabang tuwa gugat Akub.

Ay intuyan kwa te, ebi ginan, di o gfabayan angku. Gtarabang tuwo gugat gugat angku, madyay gina akyay istiye baliwa, gina aw gdife Safa Urdan, kwe ubanan, dasday ku suwan. Ay katsi, nu kafoli kwan, ngayu wa dawdaw am famanyun sa angku. At kayuwan am famanyun sa angku, duwak fulan wan ku taban fag ngay taw ay fag ngay balan.

Ay nu katsi wa si antam, Akub at ngay fufu sat dagat daga wa kon at ngay mangimut ugat sit ke sulfuwan balitang. Fakatanyaun at ugali, teway ebi Diyus nu gted Akub at bilug, sit ke sulfuwan balitang.

Ay Akub nu nafaduwa wak afud at ngay ufud, rodi ataw igdarangin. Glong te, “Yawi, katsi gdarangin aw sa emu. Dungugani nangus, teway o wan ku fufuwama Abrayam at fagsegan. Anggan ku mama Isaak at fagsegan, o yangay. Ay o yangay at nalong angku ebi te, ‘Katsi ulii wan. Afolii wa sam ngay kalongan at talun, sam fakadaulan ebi. Ay gtunglus tuwa ban nu gtarabang aw emu.’ Katanya ebi am longan angku. Nu katanya, katsi dungugani ku darangin.

Ku fun, kwa long sik masine fag taw. Ay roro dewa aw nasaful katanya, get kyay emu te, tarabangi angku, te laman ro ku kaka di gfate angku ay anggan ku ngay talnayan. Ebi, o Yawi, nalong wo te tumarabang wo fiya angku. Ay nalong yangay o angku te, igfaayu o ku ngay fufu sat dagat daga. At kayuwan we mangatap, kata lagnas sas tigyangan dagat. Nu katanya tuwa am longan sa angku, katsi tarabangi wa fiya emi, laman ku kaka di e fagbulun mauri sa emi, kata ku nalimuwan.” Katanya Akub at darangin.