Popularne wersety biblijne z ယ︀ေႃးꩭၢꩫ︀် 5

Udostępnij

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ၵ︀ၢမ︀်းက︀ဝ်ႈꩫ︀ႆ︀ႛꩥ︀ိꩫ︀်းꩬ︀ီ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛ ယ︀ုမ︀်ယ︀မ︀်ႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ႂ်က︀ေႃႇꩵ︀ႈပ︀ႅတ︀်ႉတ︀ြႃး။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛက︀ေႃႇပ︀ူꩫ︀်ႇꩬ︀ီဢ︀ꩬ︀ၢက︀်ႉꩫ︀ႆ︀ႛယ︀ဝ်ႇ။

မ︀ꩫ︀်းက︀ိင︀်ႛက︀ွင︀်ႈꩬ︀ီဢ︀ူꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုꩭꩫ︀်က︀ီး မ︀ꩫ︀်းၵ︀ႆ︀ႛꩬ︀ီဢ︀ူꩫ︀ႆ︀ႇ ꩭိုင︀်လ︀ူင︀်ယ︀ဝ်ႇꩫ︀ꩫ︀ႆ︀ႇတ︀ွင︀်းꩬ︀ီ မ︀ꩫ︀်းမ︀ႆ︀ႛ “မ︀ႂ်းၵ︀ႂ်ႈဢ︀ူꩫ︀ီႈဢ︀ေႃး” ꩫ︀ဝꩫ︀်ႇ။

ꩬ︀ူယ︀ႃႇ ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩵ︀ထၢင︀်ႇꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ꩭီတ︀်ဢ︀ၵ︀ႅက︀်ႉဢ︀ၵ︀ျႃၵ︀ႃလ︀ႅမ︀်းက︀ꩫ︀်ႈꩫ︀ႆ︀ႇ။ က︀ျမ︀်းလ︀ိက︀်ႉဢ︀မ︀ႂ်းꩬ︀ႃး ၵ︀ႆ︀ႈလ︀ွင︀်ႈက︀ဝ်ႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇꩬ︀ူယ︀ႃႇ ꩭႂ်ႛပ︀ူဝ်းဢ︀ꩬ︀ၢက︀်ႉဢ︀မ︀ႂ်းꩫ︀ႆ︀ႛꩫ︀ႆ︀ႇ က︀ဝ်ႈမ︀ႆ︀ႛꩵ︀ႈၵ︀ႂ်ႈမ︀ႃး။

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “လ︀ုက︀်ႉလ︀ႃး။ ၸ︀ုက︀်ႉၸ︀ႃႛမ︀ႂ်း ဢ︀ဝ်ႈꩬ︀ီၸ︀ႆ︀ၢႛလ︀ႃး” ꩫ︀ꩬ︀ီဝႃႈဢ︀ူ။ မ︀ꩫ︀်းက︀ေႃႇ က︀ꩡ︀ူးꩫ︀ီႈမ︀ႃးꩬ︀ီ ၸ︀ုက︀်ႉၸ︀ႃႛမ︀ꩫ︀်းဢ︀ဝ်ႈင︀ႆ︀း ၸ︀ႆ︀ၢႛက︀ႃဢ︀ူ။ ဝꩫ︀်းဢ︀မ︀ႂ်းယ︀ႃႇ ဝꩫ︀်းက︀မ︀်ႈꩬ︀ိꩫ︀်ꩫ︀မ︀်။

င︀ႆ︀းꩬ︀ီ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ဝ်ႈ ၸ︀ူႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ူႛꩡ︀ဝ်ႛꩫ︀ႆ︀ၢႈ က︀ꩬ︀င︀်က︀ေႃႇꩭီတ︀်ꩵ︀ႈꩫ︀ႆ︀ႛ။ ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩭꩫ︀်ꩬ︀ီꩫ︀ႆ︀ၢႈꩫ︀မ︀်ꩭီတ︀်ꩫ︀ႆ︀ႛꩫ︀ႆ︀ႇ။ ဢ︀ꩫ︀်ႈက︀ႃႈꩡ︀ိုဝ်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ꩫ︀ႆ︀ႇ က︀ဝ်ႈက︀ေႃႇꩭီတ︀်ဢ︀ူ။