Popularne wersety biblijne z Tateta 20

Udostępnij

‘Yau Yauwe imi Yaubada da Itipita idi kasa goi akalaoduwemi. Boi komi da Itipita idi pakonayao go, Yau ataligeimi. Tauna taabu basaleliuyao goi kokaatuvēkwana matagu goi.

Taabu tokwalu koomadāgi bego dogoi tayamo yábana goi o poyapoya yatana goi o négwasa sinaena goi ana tapata nakae bego imi basaleliu. Basaleliuyaoyadi yaidi taabu kovaatugūyala kokanakabobo be taabu kosaakulūlu yaidi. Yau Yauwe imi Yaubada moe Tovakavavágana vakookoligu. Avatau neta nakae iguinuwe moe ikaolilivegu, tauna tauna bei aliune go, niga neta natunao be tubunao ina tapepeko sivatotowone, tauyadi nakae bei aliunedi.

Tamamiyao be sinamiyao kowowooinēdi, e bei yawoimi simamanao poyapoya Yau Yauwe imi Yaubada bei aavinimi goi.

Maliyalina aba waiwasi konuwookavāte kokimasābe umagu.

Taabu Yau Yauwe imi Yaubada yoigu kokaigoyāi. Avatau neta yoigu ikaigoyai, amo tauyana bei aliune.

Maliyalina ainima tayamo goi koopaisēwa be imi paisewa madabokidi koguuinuwēdi. Go maliyalina ainima aiyuwoina moe aba waiwasi Yau Yauwe imi Yaubada umagu. Amo maliyalinayana goi taabu koopaisēwa; komi, natumiyao, imi pakonayao koroto be vevina, imi bulumakauyao be nakae tomalatonikasa yaimi sikaaiyaka, paisewa geya.

Semiyao idi vada be monediyao be idi pakonayao koroto o vevina be idi bulumakauyao o idi aseyao o ava kónana tayamo taabu koyaalagāudi.’

Taabu kotalavaita poolapōla semiyao yaidi.

Taabu korooerāta.

Taabu kokaaumāta.

Taabu kovaaināwana.