Popularne wersety biblijne z रोमी 12

Udostępnij

यइ संसारका मान्सन जसा जन हो, तर परमेश्वरले तमनलाइ तमरो सोच्च्या तरिका बदलिबर तमनलाइ नयाँ मान्समि बदल्ल दिय। तब तमनले परमेश्वरको असल, ग्रहणयोग्य रे सिद्द इच्छा कि हो, त्यो बुज्जया हौ।

तबइकिलाइ बिश्वासि भाइन हो, हामरि निउति परमेश्वरको ठुलो कृपाका लाग्दा म तमनलाइ अनुरोध अद्दउ, कि तमन आफना जिवनलाइ पबित्र रे परमेश्वरलाइ ग्रहणयोग्य जिउनो बलिका रुपमि अर्पण अर। परमेश्वरलाइ आराधना अद्द्या सत्य तरिका तेइ हो।

तमनसित भया आसामि तमनले आनन्द अददु पणन्छ, संकष्टमि धैर्य अर, लागातार प्रार्थनामि लागी रअ।

खराबिले जन जित, तर खराबिलाइ भलाइले जित।

एकइ परिबारका सदस्य भया जसेरि एक-अर्खालाइ प्रेम अर। आफइ भण्ना बड्ता औरलाइ आदर अर।

अरुलाइ प्रेम अर्या जसो जन धेका। जो कुरणी खराब छ, तइलाइ घृणा अर। जो कुरणी निकी छ, तइ कुरणी उत्सुक भइबर लगातार अरि राख।

हुन सकन्छ भण्या, सक्या सम्म सब मान्सनसित सान्तिमि बस।

प्यारा हो, आफइ बदला कभइ जन लिय, तर परमेश्वरलाइ बदला लिन दिय। क्याकि पबित्र सास्त्रमि प्रभुले भण्ना हान, “बदला लिन्या काम मेरो हो, मइ बदला लिन्या हु।”

कडा मेहेनत अर रे अल्छी जन अर। उत्साहित होइबर प्रभुको सेवा अद्दाइ जा।

मलाइ अर्या अनुग्रह बठेइ तमनमि हइ हरेकलाइ म अनुरोध अद्दउ, तमन जसा छौ तइ भण्ना बड्ता आफइलाइ जनसमझउ। तर परमेश्वरले तमनलाइ दिया बिश्वासको परिमाण अनसार सन्तुलित बिचारले सोचउ।

कसइलाइ खराबको सट्टा खराब जन अर। जइ कुरणी सब मान्सनका नजरमि आदरणीय छ, तइ अद्द्या कोशिस अर।

एक-अर्खासित मिलिबर बस, घमण्ड जन अर, तर नम्र मान्सनसित संगत अर। आफना नजरमि बुद्दिमान जन होउ।

तर तमनले पबित्र सास्त्रमि लेख्या अनसार अर्न्छौ जइमि लेख्या छ, “तेरो सत्तुर भोकाइरइछ भण्या तइलाइ ख्वाइदे, तइलाइ तिस लागिरइछ भण्या तइलाइ पानी दे। तसो अर्या हुनाले तुइले उइलाइ लाजमि पाड्डया हो।”

तमनलाइ सताउन्यालाइ आसिर्बाद दिय, सराप जन दिय। आनन्द अद्द्यासित आनन्द अर। रुन्या सित रोअ।

परमेश्वरका मान्सनका खाँचोमी सहयोग अर, पाउनाको सत्कार अरि राख।

क्याकि जसेरि हामरो एक सरीरमि भौत अंग हुनाहान, तर सब अंगको एकइ काम हुनइन, तसेरि हाम जो ख्रीष्टमी बिश्वासि छौ, हाम ख्रीष्टका शरीरका अंग हौ, रे हाम सब एक अर्खासित जोडिया छौ।