Popularne wersety biblijne z ลก 4

Udostępnij

“น็อห พึอม เฌาพรา แฮะ อึบ โอว, แฮะ ร็อห โอว, แตห โอว กาลาง โฆรห ดี เฆ ดูอี อี หมึอม กาเว, แตห เฆ แบน น็อห ดาคึย. อัน เฌา บอ ตึย โอว ฮาว กาลาง ดี เฆ อี กอย แคง กาปึม, แตห เฆ ปึอน ดี เลห แคง กาปึม โดง กอย เฆ ตี. อัน เฌา แตห โอว กาลาง บอ ดี เฆ ดูอี งาย อับ, แตห งาย เฆ วี บลาง. เฆ ดูอี มึห น็อห ลึร, โอว บอ โลว แตห เฆ วี ดาคึย. อัน เฌา มืร แตห โอว กาลาง ลอง อาคราว หมึอม ปี ดัว เฌาพรา ดี ดูอี, แตห เฆ เลห แคง ดูก.” แคะ ตี เฌา เยซู ตีห แคง บับ เฌาพรา ตึอน.

อัน แฮะ ฮอต ต็อห ปาย ตี, เฌา เยซู วี ต็อห ดี อัน, “แคง บับ เฌาพรา แฮะ แดม อูน ปาย นี. อึณ ต็อห, ‘เบ โลว กรึบ มี เฌาพรา, อี มูห เฌาพรา ปี กรึบ เบ. เบ โลว โบง ฆาน เฌาพรา อู กาดัง ตี, แกวะ กรึบ ปอ กาดัง.’”

อัน แฮะ ฮอต กาลาง ปาย ตี, เฌา เยซู วี เวียะ โฆรห ตี. อัน ต็อห, “แคง บับ เฌาพรา อึณ ต็อห, ‘เซ ดูอี มึห มี ปี ดี โฮม อู โมยว, อาว ฆลึม. อึณ ซี โลว ปอ อึณ ปัว.’”

ดอ วี เลห เฌา เยซู โคบ แบลง ยอดาน ตึอน, น็อห พึอม เฌาพรา แฮะ โนะ แคง น็อห อัน. น็อห พึอม เฌาพรา ตี วี ซูต เฌา เยซู ฮาว แคง แปร กาฮ็อห.

เฌา เยซู วี ต็อห, “แคง บับ เฌาพรา อึณ บอ แดม อูน ปาย นี. อึณ ต็อห, ‘แกวะ เทว น็อห เฌาพรา, อี มูห เฌาพรา ปี กรึบ แม.’”

โบว กานัม แฮะ ฮอต เทว น็อห เฌา เยซู แบน โมยว แบน โมยว, อัน วี เลห ฮาว โดง กอย เฌา เยซู. อัน บอ หน็อะ บัร ดี ยอด ซีแง เหมา อัน ดี วี ปึอน ดี เทว น็อห เฌา เยซู.

วาย อัน ตี โบว กานัม วี ตึย เฌา เยซู, แตห อัน ฌัม โดง จา กาเซา อู โปละ, แตห อัน ยอด มาน มืง ดอน โปละ แดง กาดาย นี. โบว กานัม วี ต็อห, “แตห แม ยอด อาตี ดอน โมยว. บอ โกรวกราม ตี, บอ ปวน บอ อาพูง ดังโคว อัน, โอว ดี ดัว โตต ดี แม. ฌึร ตี ดอน โมยว, อึณ มูห โอว อี อึบ โตต. โอว บอ อึง ดี ดัว ดี อาเซ, โอว แฮะ ปึอน ดัว ดี วี ตี. เซ แม บอ กรึบ โอว, ปี ยึร แม ตี ดอน โมยว, อึณ ดี แบน โกรว แม.” อัน แฮะ ฮอต ต็อห ปาย ตี, เฌา เยซู วี ต็อห ดี อัน, “แคง บับ เฌาพรา แฮะ แดม อูน ปาย นี. อึณ ต็อห, ‘เบ โลว กรึบ มี เฌาพรา, อี มูห เฌาพรา ปี กรึบ เบ. เบ โลว โบง ฆาน เฌาพรา อู กาดัง ตี, แกวะ กรึบ ปอ กาดัง.’”

อัน แฮะ ฮอต กาลาง ปาย ตี, โบว กานัม วี ตึย เฌา เยซู ฮาว ฌัม แคง มืง เยรูซาแลม, แตห อัน กอย แดง กาตูะ โฮว เฌาพรา. อัน บอ ต็อห ดี เฌา เยซู, “เซ แฮะ หมาน, มูห แม ฆอน เฌาพรา, แตห แม บูงบลูห บยัว โดง กอย แม นี. โคว, แคง บับ เฌาพรา อึณ แฮะ แดม อูน ต็อห, ‘เฌาพรา ดี จัร เฆ อามู อามาด อัน, แตห เฆ ลึมลา ยอด ซีคยา แม.’ ปอ อู โปละ อึณ ต็อห, ‘เฆ อามู อามาด เฌาพรา, เฆ ดี บัร ดี โจะ แม ตา แด เฆ, ตู แตห เปลา แม ตา ดูห ดี มาว.’” เฌา เยซู วี ต็อห, “แคง บับ เฌาพรา อึณ บอ แดม อูน ปาย นี. อึณ ต็อห, ‘แกวะ เทว น็อห เฌาพรา, อี มูห เฌาพรา ปี กรึบ แม.’”