Popularne wersety biblijne z Mareke 13

Udostępnij

Baari aso baaje kabele be ma nkuumu a mi. Ŋaa wo aje kasa mpana tii ka ba amana, aje kavuuga.»

Lesa oyeri! Lenyina tolo kapwo, kabila be leki ya kaya ntini ŋi.

Ŋa ntini ye ba abira be ma kapama be, lebiza kabaana kabaraga ma kapiza ni: “Bizi jo ema leduga?” Ma ntini yia be leduga ambari ma ampa Njyami be. Okorogo ka be leeje kawobo ŋi, ŋaa Oduduma Cece.

Yulu bila ncye yeeje kawa, ŋaa mbari a mi ye kaaje kawa ŋi.»

«Ŋaa cugu bila tari eli elogo bya beeje kaya, mbuuru ki ya ŋi, se antuma-yulu, se Mwana Njyami. Taara ndemotu yayi.

Be leyuga ba awobo ma eta bila baari ba atemeŋe ma eta, be lebizi bwogo kamono. Ave maami ma aso ayi, ŋaa ka ewi ba okiri ŋi.

Lesa oyeri, kabila be leki ya cugu le aya mfumu a njo ŋi. Aka lempiibi sikali otuma lempiibi, sikali, ka kwogo ncuzu, sikali ka nkara encyere. Aka nde aya parabu ŋa, ave nde bizi be ma tolo kamono. Ma dugi mi be, mi eduga mo ŋa baari aso: leka mwoyi.»

Kasi kamon ka ejwana bila kasi kakima, omfumu bila omfumu okima, ncye yeeje kanyiga ma ebiri eso, bila njala yeenini. Yeeje kaka mva ebaani encomi ba ekuli.

Ave abaani kampa Ncya yeemve ma esi eso.

Bege le baari baaje kaya ma nkuumu a mi. Bo baaje kaduga mini: “Masiya mi!” Ŋa bo ba akura bege le baari.

Ŋaa be, leyuga yemiŋi ma maaya ma be! Baari baaje kapama be ma ebiri ba baapama, baaje kabere be kanca anjo ma maabwono. Baaje kabira be ka ovuzu ba anguverenere bila akunji ma mi. Ŋaa be leeje kaka atemi a mi ka levuzu le bo.

Okorogo amasiya ba alaa bila antuma-Njyami baabi baaje kaya. Bo baaje kasa elogo ba ekemi bila ampiri, ma kakura baari eli Njyami ma swolo, aka ba abuna.

Ecugu bya, baari baaje kamono mpasi kuna. Amana, muyi aje kapiina, ngondo akama je kampa kawi ŋi. Anyari ba wa yulu maaje kava, ŋa mpari ye yulu yeeje katerege.