Popularne wersety biblijne z Yoohani 12

Udostępnij

Ʉmuntu wowonti ʉyo ahumbombela anɨ, ahwanziwa ambɨnjɨlɨzyaje. Nantele poponti ɨpo ɨndi, pa pɨɨpo ʉmʼmomvi waanɨ ahayibha. ɄDaada waanɨ ahayɨnza hunʼtinishe ʉmuntu wowonti ʉyo ahumbombela anɨ.

Ʉmuntu wowonti wa‑ahwanza ahwifyʉle ʉwʉʉmi waakwe, ahayihuwuteezya. Leelo ʉmuntu wowonti ʉyo ahayihuwuteezya ʉwʉʉmi waakwe mu nsi ʉmu hu nongwa yaanɨ, ahayihuwaaga ʉwʉʉmi ʉwa wiila.

Lyoli ɨhubhabhʉʉzya, nkashele ɨmbeyu yɨ ngano saga ɨsyɨlwe pa longo na‑abhole, saga ɨbhajiiye amele, leelo nkashele ɨsyɨlwe, ɨmela na hwezye amantongooni gaminji.

Anɨ ɨnɨnzɨle huje ɨmbe lukhozyo lwa mu nsi, huje shila muntu wa‑ahunɨɨtɨha anɨ agandi ajendeelele akhale mu hiisi.

Ʉmuntu ʉyo ahwʉmvwa amazwi gaanɨ, leelo saga ahugalondolezya, anɨ saga ɨhunʼnonga, pɨpo saga ɨnɨnzɨle mu nsi hubhalonje abhantu, leelo hubhafyʉle.

Ɨpo ʉMaliya aheega ahasupa ahɨ nyemba ɨzyɨ mpɨɨya ɨngoosi zya zinunshila shinza, ahamʼpotozya ʉYeesu mu manama na‑asyʉmʉle ni‑isisi lyakwe. Ɨnyumba yonti yahamema ʉnunsi ʉwɨ nyemba.

Ɨpo bhaheega ɨnsamba afume mu makwi agɨ manshindo, bhahafuma abhale humʼmwambɨɨlɨle ʉYeesu. Bhahanda abwaje ibwago bhahaga, “Amwamihwaje ʉNgʉlʉbhɨ! Asayiiwe wa‑ahwɨnza hwi‑ikhone lya Mwɨnɨ ʉNgʉlʉbhɨ. ɄNgʉlʉbhɨ asayaje ʉMwɨnɨ ʉwa hu Izilaeeli.”

ɄYeesu ahabhaamula ahaga, “Ahabhaazyo aha‑amwamihwe anɨ nɨMwana wa Muntu hafishile.