Popularne wersety biblijne z ƗMbombo ɨzya Bhasontwa 1

Udostępnij

Lwa wɨnza huliimwɨ ʉMʼpepo ʉMʼfinjile, mwahayambɨɨlɨla ikhone. Ɨpo mwahayihumfumizyaga ʉsimishizi mu Yelusaleemu, mu mukowa gwonti ʉgwɨ Yudeeya nʉ gwɨ Samaliya, afishe muula ɨnsi mwɨ‑ɨpeleliiye.”

Ahabhaamula huje, “Ɨnsiku na habhaazyo aha‑abhombeshe ɨzyo, saga mbombo yeenyu amanye. ɄDaada avibhɨɨshɨle hwi‑ikhone lyakwe yʉʉyo.

Isiku limo, ʉYeesu lwa‑alya peeka na bhasontwa, ahabhalajizya huje, “Musahasogole mwi‑ibooma ɨlyɨ Yelusaleemu, leelo mugʉʉlɨle mwʉmwu, hafishe ahabhaazyo ɨho mwahayambɨɨlɨla ɨmpeesya, hwa huje ʉMʼpepo ʉMʼfinjile. Ɨyo ya yɨ mpeesya ɨyo ʉDaada ʉNgʉlʉbhɨ ahalapile, ɨndapo ya mwahanʉmvwɨzye ɨyanga. ɄYoohani ahabhozyaga abhantu na mɨnzɨ, leelo hu nsiku nyishe lwene zya zihwɨnza, amwɨ mwahayoozewa hu Mʼpepo ʉMʼfinjile.”

Hu habhaazyo ahɨ nsiku amashʉmi ganɨ afume azyʉshɨle mu bhafwe, ahahwilolesyaga hwa bhasontwa bhaala hahinji lwene. Ahabhalangaga hahinji pa pazelu huje, ʉmwene mwʉmi. Nantele, ahabhamanyizyaga ɨnongwa ɨzyɨ wumwɨnɨ ʉwa Ngʉlʉbhɨ.

ɄYeesu lwa waamala hubhabhʉʉzye ɨgo, ahanyeetulwa pa maaso gaabho abhale hu mwanya. Ibhɨngo lyahanʼkwinshila, saga bhahanʼnola nantele.

Hu habhaazyo hahaala lwa bhahwenya hu mwanya lwa‑asogola, nalinaali lwene abhantumi bhabhɨɨlɨ bha bhakwɨte amenda amazelu, bhahɨmɨɨlɨla mu pɨɨpɨ nabho. Bhahaga, “Mubhalume amwɨ mubha mu Galilaaya, yeenu mwɨmɨlɨɨye ɨpa muhwenya hu mwanya? ɄYeesu ʉnʉ wa‑anyetuliilwe afume huliimwɨ abhale hu mwanya, ahayigaluha nantele shishiila sha munʼnolile lwa‑asogola.”