Jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ Felipe:
―Kuáꞌán kuyatin jee naketáꞌán jín karretáꞌ yaꞌá.
Ninu re̱ꞌ ña̱taꞌanꞌ re̱ꞌ karretáꞌ, jee nteso̱ꞌo re̱ꞌ ya̱ káꞌvi te̱e Etiopía tutuꞌ níso tu̱ꞌun Isaías ya̱ kúvi re̱ꞌ te̱e nna̱kani tu̱ꞌun nkene yuꞌú Ndiosíꞌ yanaꞌán. Jee ni̱ka̱tu̱ꞌún re̱ꞌ:
―¿Á jiáku̱ꞌun iniꞌ nú ya̱ káꞌvi nú?
Jee nna̱xiníkó te̱e vá:
―¿Na̱ja kúvi ki̱ku̱ꞌun iniꞌ ni̱ꞌ, retú ntu̱náꞌ íyó ɨɨn ya̱ xinéꞌénꞌ‑e nuꞌuꞌ?
Jee ni̱ka̱nꞌ re̱ꞌ nu̱u̱nꞌ Felipe, ya̱ káá‑a jee kikuneeꞌ‑e jín re̱ꞌ.