Popularne wersety biblijne z Mat. 7

Udostępnij

“Tiddou kam, tuaake ka kam; gaba kam, nusesese kam; luuluu kam, tububukaake ka kam matatbaliu.

Aipoi senen sipasititiddou, masisisilo samba sipasigagaba, masisesese samba sipasiluluuluu, tububukaake ka sia matatbaliu.

“Oto senen sipasiaarep tiboietku nene samba sigalaiake nia, kupakereake le nia kele sirimanua siagai paatuat sirioake lalepnia ka uddut bulak.

Oto sangamberi kiddietmui ragalai sirimanua ka tubumui, ia leu te nugagalai kam ka tubuda; ia poi ne bagat Surukat samba suratda tai nabi.”

Maropdop le poi gugurukat samba maokkip enungan sieei ka purimanuaiat, samba ta maigi sia sienungi nia.”

“Guruki kam gugurukat simaropdop, aipoi gugurukat simalio samba enungan sabeu sieei ka pulangokat le; maigi sia sienungi nia.

Oto beringan kam sirimanua sikatai, nuagai kam masikau panguruat simaeru ka tatogamui, sara pei Ukkuimui ka sorga. Ikakau simaeru ka sia sipasititiddou ka tubunia.

“Bui nupasiukum kam, bui iukum kam Taikamanua. Ukuman sikaumui poi iuukumake Taikamanua ka kam samba kirekat sikireakenenmui leu ikikireake Taikamanua ka kam.

Tapoi sipasiaarep tiboietku nene samba sitaigalaiake nia, tupakereake le nia ka sirimanua sitaiagai paatuat, sirioake lalepnia ka uddut ngai.

Angoi sinoile ka matat sarainam nuitco, tapoi arigi ka matam geti ta iagai tubum? Kipa te iooi nukua ka sarainam, ‘Kuala boiki sinoile ka matam,’ ainangan arigi ka matam?

“Suksuk kam tai nabi sipatataju, siooi masitaget kam sipubiribiri tubuna, oto arimau simasakbak le sia. Ka buat sigalaira le nuaagai kam sia. Raakpek leu pa sirimanua buat anggur ka rui, ele buat sileu ka laggigi?

Kisedda leu te senen loina simaeru ibuaake simaeru, loina sikatai ibuaake bua sikatai.

Loina simaeru, ta ibubuaake bua sikatai, ele loina sikatai, ta ibubuaake bua simaeru.

Senen loina sitaibuaake bua simaeru, tutatadde le, gik ka api.