Popularne wersety biblijne z Mat. 5

Udostępnij

Ia leu et ta ratutunam alito kaunen ka tei bulukbuk, ka kudduatnia le itukakau itoroiji sia sangamberi sikuddu ka bagat lalep. Buita kisedda leu iputoro patomui ka matada sirimanua, bule raitco sigalaimui simaeru, raumunake Ukkuimui ka sorga.”

Patora taikapolak te kam. Laggai ka uddut leleu ta iagai lipput.

Mauktuk te sia simalina paatuat; raiitco poi geti Taikamanua.

Mauktuk te sia simalaje simaoggou masigalaiake puroipoat; isesegeake poi bagada Taikamanua.

Tapoi aku masikua ka matamui: Pukateki kam baga saggakmui, samba tiddouake kam sia sipaoreji kam

“Mauktuk te sia simageba ka puketsanan; sia poi masibabakkati Purimataat Sorga.

Mauktuk te sia sikau aban ka sirimanua; iooniake poi sia Taikamanua tatogania.

Mauktuk te sia sipurereureu baga; ipususuibi poi sia Taikamanua.

Mauktuk te sia siorik paoreat kalulut puroipoat; sia poi masibabakkati Purimataat Sorga.

Mauktuk te sia simakate baga; ipukakateki baga poi sia Taikamanua.

Mauktuk te kam ke raasa samba rapaoreji kam samba rapakatai nganga ka tubumui kalulut aku. Kau imaangka samba imagora bagamui, ta poi magugulai upamui geti ka sorga. Tai nabi sipuboboiki ka kam leu, kise leu et arapaoreji sia.”

Mauktuk te sia simaleppe baga; raiikepmake poi sangalio polak.

“Garamra taikapolak te kam. Ke maleu bai garam, apangan le tukakau pasikalo nia? Taan anai kauta nia, gikgikngakenenan le rapaperaki nia sirimanua.

Oto kau ibailiu kam simasun eru, kele Ukkuimui ka sorga simasun eru.”

Tenan le kam kua: oo, ke oo, taa, ke taa; saliu ka nene, sibara ka Sanitungan le.”

“Anuarepman kam atukua: Mata silit mata samba son silit son. Tapoi aku masikua ka matamui: Bui nupagoluake kam sigalai sikatai ka tubumui. Ai bai silippat bailatnu sikattoet, kau leu et ilippat bailatnu sikatsiu.

Oto ke ipajo ekeu matam sikattoet, kiok le, gikgikngakenungan nia; aipoi maeru pei le kekeu sara laddou tubum malimai, bui sangamuinet tubum tugikgikngake ka narako. Samba ke ipajo ekeu kabeinu sikattoet, tippu le, gikgikngakenungan nia; aipoi maeru pei le sara laddou tubum malimai, bui sangamuinet tubum tuguru ka narako.”