Popularne wersety biblijne z Pugap. 1

Udostępnij

Tapoi nusisilo le kam ron, ke amoian Ketsat Sipunenan isopsop ka tubumui, bailiunangan kam simunengake aku ka Jerusalem samba ka sangalio Judea samba Samaria pat aili ka tutut polak.”

Kuanangan ka matada, “Ta puukuketmui masiagai tetere samba gogoinia siteuakenen Ukkui siripot gegenia.

Kele araparuru sambada paneineinangan sia, “Bui nukaddiuake kam Jerusalem, tapoi ngena le kam sedda sinibalaakenen Ukkui, ia te sikuaku ka matamui. Aipoi kai Johannes oinan le aikau masirau, tapoi kam geti Ketsat Sipunenan le turarau kam; taan mauuju gogoinia.”

Lepa aiorik pangoringan, pakoinongnangan tubunia ka matada, samba maigi katuaggaiat aipatoila masibulatnake puririmanuania. Epat pulu ngagogoi ujunia aipatoila tubunia ka matada samba masitiboi pagalaiat Purimataat Taikamanua.

Lepa aitiboi nene tuakkatnangan ka matada, tabbonangan nia tanairusa, agou ka matada.

Airateteila manua katusakaiatnia, tulut rio ka bebera rua taimanteu sipuleleppei simabulau sipasikukua, “Kam tai Galilea, muririo kodda kam masiteila manua? Jesus nene, siala ka tubumui tusakai ka sorga, momoi le nia minca keleu siitcomui nia tusakai ka sorga.”