Popularne wersety biblijne z MARKU 16

Udostępnij

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Yino yilayi kumuyikakaula waze mafuliela: mu jina liami kumakatuhwisa andemoniu; kumakahanjika mu malimi aha. O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

O yatuhuka, yambujola kweswe, ni Mwene walingile hamwe no, nikukolesa liji ni yilayi yize yakawile. Amene.

Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa!

O ha kuhetuka, yamona liwe halilangumunaho: mumu liapwile linene chikolo. O ha kunjila mu fuka, amwene mukweze kanatwama ha chindume, kanazala hina lia mukambo litoma, no akomokene chikolo, nikwivwa woma.