Popularne wersety biblijne z MARKU 13

Udostępnij

Kumakanuvwila kole kuli eswe mumu ha jina liami: alioze yoze manyongonona ndo ku songo, kumakamulamwina.

kanyamenu, lawokenu, lembenu: mumu kunwanyingikine muze mwaka muupwa.

Alioze muze manutwala mukunukunjika kanda nukalipikala shimbu kanda ha kutwala ku chize munukamba, chipwe kanda nukachipukuna; alioze cheswacho makanwaha ha ola yize, che chize nukachihanjike; mumu hi yenu ko nwakuhanjika, alioze Spiritu Musandu.

Lilu ni hashi kumuyikahwa, alioze maliji jami kechi kahwa nichimwe.

Alioze ha kutwala ku tangwa lize ni ola yize kanyingikine niumwe, chipwe angelo a mwilu, chipwe mwe Mwana ka, shina mwe Tata

Alioze muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa.

Lenu kashika: mumu kunwanyingikine muze mwenya zuwo meza, shina chingoloshi, shina ha muchima ufuku, shina ha kutambika ndemba, nyi shina chimenemene: kuchina, susumuku heza; manuwana mu tulo. Alioze chize ngunambe kuli yenu, ngunambe kuli eswe ngwami, Lenu.

Mumu akwa vungu limwe kumakakatukila akwa vungu likwo, akwa wanangana umwe kumakakatukila akwa wanangana ukwo; kumukukapwa minyiko kweka ni kweka; kumukukapwa tupunga ni lamba: yino yuma we uputukilo wa yikola.

Lie sango lipema chatamba kuliambujola hatangu ku mavungu eswe.

Mumu anji kumakeza mu jina liami, nikwamba ngwo, Mwe Kristu yami, makapiangula anji.

Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo.

mumu akristu a kwonga ni aprofeta a kwonga kumakeza, makalweza yilayi ni yipekesa mukupiangula chipwe waze hanaatongola, kachi maahasa.

Alioze ha matangwa aze, kulutwe lia luyinda yoze, tangwa kumulikalá, ni kakweji kechi katwa mieji. Ni matongonoshi a mwilu kumakaholoka, ni tachi jize jili mu malilu kumujikanyika.