Popularne wersety biblijne z MARKU 10

Udostępnij

Mumu mwe Mwana Mutu nawa kejileko akamuvumbike, alioze mukuvumbika, akahane mwono wenyi ndando ya ukule hali anji.

Yesu nikwatala yamba ngwenyi, Kuli atu kenu machisa, alioze hi kuli Zambi ko: mumu yuma yeswe yinahase kupwa kuli Zambi.

Yesu wambile kuli iye ngwenyi, Yako kwe; Ufulielo we hiwakupwisa mungunu. Haze hene walawile ku meso, wamukawile mu jila.

Chize kashika hananungu Zambi, atu kanda akachihandununa.

Yesu, ha kumutala wamuzangile, wambile kuli iye ngwenyi, Chuma chimuwika unahono: yako, ulanjise yeswayo uli nayo, uhane kuli yiswale, mba Kumukapwa ni upite mwilu: wize, Ungukalile.

Yesu wamukumbulwile ngwenyi, Kuchi unazange ngukulingile? Kapuputa wambile kuli iye ngwenyi, Longeshi yami, ngulaule ku meso.

Alioze hi chocho ko hakachi kenu: mweswawo mazanga kupwa munene hakachi kenu, akapwe kavumbi kenu

Pundu ngunambe kuli yenu ngwami, Mweswawo keshi kutambula wanangana wa Zambi ngwe mwana mukepe, kechi kanjilamo nichimwe.

Atangu anji kumakapwa akwa kusula; ni akwa kusula kumakapwa atangu.

Alioze chize ku uputukilo wa kutanga cha Zambi, Zambi waatangile lunga ni pwo. Mumu ha mukunda uno mutu akahichike tato ni naye, akalinunge ni mukwo-pwo; ni e aali kumakapwa musunya umuwika: chocho hi aali nawa ko, alioze musunya umuwika.