Popularne wersety biblijne z রোমানরাংনা 4

Udostępnij

ইসলনি খু·রাচাক্কানি গিম্মিন বিনি গিসিকো মামুং সালোবা খেনচাকা রি·বাজা, বাত্তেসা বিয়া বিবিরা·আও আরোসা বিল্লাকে ইসলখো রাসং দাকনুয়ামিং। ইসল জেখো খু·রাচাকজক উখো দাক্কানি বিলবা বিনি দংআ ইন্নে অব্রাহাম চু·সকে বিবিরা·নুয়ামিং।

রংথালগিবা শাস্ত্রও জেগিত্তা চক্কা দংআ, “আংআ নাং·খো বাং·আ জাতরাংনি ফাগিবা দাক্কে দনজক,” উয়া গিত্তাদে ইসলনি মিক্রোনও অব্রাহাম আনচিংনি গিম্মিকনিন ফাগিবা। সিগিবাখো জে থাংচাএতা আরো দংগিজাখো জে দংআ ইন্নে আগানা উয়া ইসলখো অব্রাহাম বিবিরা·আমিং।

আনচিংনি পাপনি হা·সেল যীশুখো সিয়ানি জাক্কো হ·ন্নামিং আরো আনচিংখো দোসগ্রি ইন্নে রা·চাকনা বিখো সিয়াওনি থাংচাএতামিং।

জেনসালো ফাআ হং·না গিত্তা খা·দংআ দংজামিং উনসালোবা অব্রাহাম ইসলনি সাক্কাও খা·দংএ বিবিরা·আমিং। ইসল বিনা আগানামিং, “নাং·নি দেরিচ্ছু-সু·রিচ্ছুরাং সিলগানি আস্কিরাং গিত্তা চান্না মান·গিজা দাক্কে বাং·নুয়া।” আরো উয়া খাৎথা গিত্তান অব্রাহাম বাং·আ জাতরাংনি ফাগিবা হং·আমিং।

উনি গিম্মিন মান্দিনি বিবিরা·আ গিত্তা ইয়া খু·রাচাক্কাখো চু·সকেতা, জেদাক্কে ইয়া ইসলনি খা·সাচাক্কানি হ·ন্না গিত্তা হং·না মা·ন্না। আরো উনি গিম্মিন অব্রাহামনি দেরিচ্ছু-সু·রিচ্ছু গিম্মিকনান ইয়া খু·রাচাক্কা বিবিন চু·সকনুয়া। নিয়ামনি নিং·আও দংগিবা মান্দিরাংনাসান ইয়া খু·রাচাক্কা চু·সকনুয়া ইন্দাকেদে হং·জা, জে মান্দিরাং অব্রাহামনি বিবিরা·আ গিত্তান বিবিরা·আ বিসংনাবা ইয়া খু·রাচাক্কা বিবিন চু·সকনুয়া।

উয়া মান্দিরাং ফাত্তিয়া মান·গিবা, জেরাংনি ইসলমুং বোবিল দাক্কাখো ক্ষেমা দাকজক, জেরাংনি পাপখো ফিনদাপা হং·জক। উয়া মান্দি ফাত্তিয়া মান·গিবা, জেনি অন্যায় দাক্কাখো গিত্তেল ক্ষেমা দাকজক।

রংথালগিবা শাস্ত্রও চক্কা দংআ, “অব্রাহাম ইসলনি খাৎথাখো বিবিরা·জক আরো উনি গিম্মিন ইসল বিখো দোসগ্রি ইন্নে রা·চাকজক।”