1
maṯa 24:12-13
ŋuɽun ŋun ŋiya ŋun ŋikaiilo elo 1966
OTR1966
na gi gwune ŋuɽun ŋun ŋɩki ŋimobəḏəṯɩni, ḏəmɩnyo ḏeḏi lutəno ḏɩmanyidi namɩni gwun gwuḏuḏɩnɩjo gɩdoŋ gwəkədəḏɩni ga
Porównaj
Przeglądaj maṯa 24:12-13
2
maṯa 24:14
na ŋuɽun ŋeno ŋiŋir ŋeḏi ŋele ŋeḏi elo ŋuməḏɩni kɩḏilio wei gwan ḏɩteijo ga gi liji leḏi jɩmɩrɩgen wei, na kaja keno gɩṯɩmige gɩḏilio.
Przeglądaj maṯa 24:14
3
maṯa 24:6
na nyaləḏiŋɩni dɩrra de na ŋuɽun ŋeḏi dɩrra, aṯaji ḏugwor piḏo ganu no. arram ŋɩdi ŋeno ŋaŋini namɩni ŋeḏi gɩdo ŋore.
Przeglądaj maṯa 24:6
4
maṯa 24:7-8
gi gwune liji leḏi amɩrɩgen yete lədiɽo kworo gweḏi amɩrɩgen ŋiro kaja, na ŋele ŋədiɽo ŋele; na jaŋu jaje, na gwɩnyəm gwubəga kalo ŋiro kajakaja. na ŋuɽun ŋeno wei ŋiro ŋun ŋidaro ŋəṯi ŋwuɽeḏɩnya.
Przeglądaj maṯa 24:7-8
5
maṯa 24:35
kanyin na gɩḏilio lete namɩni ŋuɽun ŋeḏi elo ŋate ŋete no.
Przeglądaj maṯa 24:35
6
maṯa 24:5
gi gwune lila lutu jiri je jinyi larno, nyi gwiro kɩrisṯo, nalaliḏuji lutu.
Przeglądaj maṯa 24:5
7
maṯa 24:9-11
na lajiḏəḏə ḏɩḏia ḏe nalajiɽinye, nanyaladonyini gi liji leḏi jɩmɩrɩgen wei gwan jiri jinyi. na lobɩlkəḏɩni lutu, na ləḏəḏə gworo kal gete, naṯɩldonyeḏiḏi gworo kal gete; na nebɩŋa lədiɽo lutu lun liro lɩwɩɽɩgal, nalaḏuji lutu
Przeglądaj maṯa 24:9-11
8
maṯa 24:4
nal yecu wɩrlijo ŋuɽuna nuleicɩno, jil muma, gwo gwanyanouwɩrico gwetɩdo gwajɩnḏuji no.
Przeglądaj maṯa 24:4
9
maṯa 24:44
na duḏɩl nyaŋa dino nyajiga muma, gi gwune gaja gum ŋate ganyaŋarno ŋaɽe ŋeḏi liji ŋaɽuwa no.
Przeglądaj maṯa 24:44
10
maṯa 24:42
na ŋiro dino girinɩl, gi gwune nya late lilɩŋiḏi lamon lun lali gwele gwalo wila no.
Przeglądaj maṯa 24:42
11
maṯa 24:36
na ŋan lamon leno i sa ceno gwiji gwatɩn gwetɩdo gwun gwilɩŋiḏi no, i liji leḏi kanyin, i ŋare, namɩni baba gwetɩdo.
Przeglądaj maṯa 24:36
12
maṯa 24:24
gi gwune laje lədiɽo lun liro lɩwɩɽɩgal lun larno lan kɩrisṯo, na nebɩŋa lun liro lɩwɩɽɩŋal nalaŋiḏi ḏəŋinio ḏun ḏɩbuḏo gworki na ŋidi ŋun ŋɩmobeje liji ga ṯuṯ, lar laḏuji liji lun lɩməṯɩnu leḏi elo ḏa ŋɩmandro.
Przeglądaj maṯa 24:24
13
maṯa 24:37-39
na gi ŋwamon ŋweḏi nouwa na dino gworo gweḏi ḏaɽuwa ḏeḏi ŋaɽe ŋeḏi liji; ŋiro gi gwune ŋwamon ŋwono ŋwun ŋwijo gwerre kaja geḏi gwəri, liji laṯeʼe naṯɩlyu, naṯɩlago naṯɩlagini kəbe gi lamon lun lɩmali nouwa əḏi kwu murkab ganu; nate nalɩŋe no kəbe na gwəri wila nulape wei; na dino ŋaro ḏaɽuwa ḏeḏi ŋaɽe ŋeḏi liji.
Przeglądaj maṯa 24:37-39