Ura, er Festus bira uki inbaryi kum takubaryi kum Yerusalem atei kunmou ani, Kaisarea atei tubto tamurbinmou. Ura, mabmou ani, berekwe ura, erci ninyi malyi kun deyok lilin ai bukmou ura, “Er Paulus boboka a boyandarur,” eboka arukmou. Er Paulus boboka sirya er dam boyanmai ura, sun Yerusalem atei aryi kuboka yanmai Yahudi yala nang aryi er dam aknabdongobokabiryi, “Iya malyi kubumwe,” ebokabiryi, er Paulus bisi tatab-tatab ebdongobmai. Tatab-tatab enmai bok, sunci er malyi kun deyok asi lak kimdeirin dinyi ton kum ebmai.