Popularne wersety biblijne z Mateo 7

Udostępnij

Mangen ta ka avel tumenge dino, roden ta ka malaven, maren po udar ta ka putaol tumenge.

Soke gua kai mangel, lel, ta gua kai rodel, malavel, ta gua kai marel po udar, putaol leke.

Vareko te asunel man ta cherel so me phenav, si sargo iek lleno bizai kai cherda po cher po barr.

Goleke cheren tumen e llenenchar isto gia sar mangena te cheren tumenchar e llene, soke gava si o zakono ta e poraukura.

a tanguno si o udar ta i o drom kai inllarel kai o zivoto, ta cherricha si e llene kai malaven le.

Den katar o udar tanguno, soke bulo si o udar ta baro si o drom kai inllarel kai o jasardipe, ta but si kai den letar

A tumen, kai sen bilache ta llanen te den lache ezgode tumare chaurren, ¡pe gachin mai but tumaro Dad kai si ando miloso ka del lache ezgode golenge kai mangen letar!

Na krisin te na aven krisime. Soke gia sar tumen krisin averen, isto gia tumen ka aven krisime, ta gia sar tumen llinen averen isto gia ka averen tumen llinde.

A vareko kai asunel me alava ta ni cherel len, ka phenav kai si sargo iek manus dilo kai cherda po cher pe chisai.

¿Soke dikhe e truña kai si ande che phlaleki iak, a ni dikhe o kas kai si ande chiri iak? ¿A sar ka phene che phlaleke: Muk man te ikanav e truña katar chi iak, kana ande chiri si iek kas?

Arakhen tumen katar e poraukura kai inai chache kai aven tumende bakrane patavenchar, a andral von si ruva chorane. A prema so von cheren ka pinllaren len. Ni ikandon drakha katar e kasta karrnale, o simochine katar e karrne.

Goleke, suako kas lacho del septelie lache, a o kas bilacho del septelie bilache.

O kas o lacho nasti del bilache septelie, ni o kas bilacho del septelie lache.

Suako kas kai ni del lache septelie, chinen le ta chuden le ande iag.