Popularne wersety biblijne z Jeremias 17

Udostępnij

Blagosime o manus kai uzdilpe ando Del, ta kai leki vera si o Del. Soke ka avel sargo o kas kai si thodo te bariol pasa o pai, ta pasa e len ka barion leke zile, ni ka daral kana ka avel o tatipe ta leke patra ka aven zelene, ta ando burs kai ni ka delpeke ni ka sukol, ta ni ka mukel te del septelie.

O lio so mai kojamno neko sa e ezgode, ta bilacho, ¿Ko ka pinllarel le?

Me o Del, kai dikhav andre ande mislura, kai zumavav e lie te dav suakone prema e cherel, prema e ezgode kai cherel.

Gia phenda o Del: Proketo o manus kai uzdilpe ando manus ta thovel pi zor ande aver manus, ta duriol leko lio katar o Del. Gua lleno ka avel sargo e char suki po pusto, ta ni ka dikhel kana ka avel o lachipe, ta ka zivil ando sukipe katar o pusto, ande phuv kai si pusti ta kai ni zivil niko.

¡Ioi Devla! sastar man ta ka avav sasto, braduisar man ta ka avav braduime, soke tu san so me blagosiv.