Popularne wersety biblijne z MATAYO 28

Udostępnij

Kuwade utita‚ lopuketa zuro kilo giri a lotodiniki kuwe‚ i tikindra na ko baputizilo i kari ti Monyelo‚ ku ti Ŋirolo‚ ku ti Yuka Nakiyena kine‚ i togo’yu na ko i kondra na kukuzuki giri naga ma na takindri ta kine. ’Bo meteta‚ na igbo’da kasi ta mu luŋa yeŋadru tozo i ’dute na baŋe nu.”

’Bo Yesu druga mizu nyoga druga takindra ko adi‚ “Teriŋi giri naga i ’diko yu ina ku naga nide i kani ina atiki na.

’Bo malaikatalo druga takindra wate kine adi, “Ku kukuzeta, igbonaga na adeni adi ta ga’yu Yesu lo ’beko i kedini mugulo. Lepe nide ’bayi, igbonaga lepe aŋiyoro azo beti naga ma lepe kuliani ina. Pondrita ku meteta piri naga ma lepe kazu topirikinina.

Yesu druga takindra ko adi, “Ku kukuzeta, utita ku trukokita luŋaseri kuwe kilo ti ko uti Galili yu. ’Bo ko imemedra na yu de.”

Kugbo ko laga atunundra ’beri ku temezi kilo i tomodya na kutuzi‚ ko druga tikindra katiyu ŋani kilo riye‚ druga kulia adi‚ “Trukokita ŋutulu kilo adi lotodiniki ti lepe kilo ayeŋundra kuwaze‚ akokoladru lepe ti ta kilo tototo. Kugbo kine kulia de naga ayeŋadru ku lo’bizolo i suwo yu‚ yi izuzu zuzu lepe i toruzo na ta.” Kuwade ko druga ’depadru riye ŋa ni kine, druga kondra beti naga ma ŋutulu kilo zuzuzi ko ina‚ kuwade ina kuu de akuwe ku Yahudi kilo i dridriŋi yu yeŋundra tozo indikini.