Popularne wersety biblijne z Maluko 6

Udostępnij

Apeene apo, avaanu voloofu vaahelelaga kwa Yesu, na vangi voloofu vaahegaga. Wiimila wa ulu, uYesu na vanyigendwa vaakwe viilemwaga nambe musika ugwa kuliya ifiliyo. UYesu akuvalongelaga avanyigendwa vaakwe iitigilaga, “Tuhelele apoono apangaya vaanu, tukapole padebe.”

Neke uYesu avalongelage atigilage, “Umuvidzi iiginikwa ukungi konda. Nda haamu ukwawo, mu lukolo lwakwe na mu kaaya yaakwe, uyo asiiginikwa nambi.”

UYesu pe iihuma mu waato akuliwonaga ililugu lya vaanu, neke aliwonelage lusungu, pakuva aliweene lili ngita ngʼolo idzingaya mudiimi. Neke baaho avangage ukuliwulanidza amadzwi goloofu.

UYesu asaahuufiidze ifilole fyoloofu uko, neke kangi avaviikilage amawoko avatamwa vakeefu nu kuvananiya. UYesu iidzumaga hiilo ulwa kitafuuwa kwawo. Neke uYesu ahelanidzage iiwulanidza ukuhuma uluvala nu luvala.

Iinyamulaga imikaate gihaanu ni somba dzivili, iilolaga kukyanya, iifuunyililaga, iimegulingʼasaga imikaate, akuvapeelaga avanyigendwa vavagavile avaanu. Kangi akuvagavilaga nadzi somba dzonda dzivili. Neke valiyage vonda, viigutage. Avanyigendwa viilundasaga utuwuluwulu tonda twa mikaate ni somba utwasigiye, neke fimemage ifihiivi finyikyumi ni fivili.